工口社長
大家好！我係工口社長。上一篇講到かなで（Kanade）醬幫我打開咗風俗界嘅大門，等我可以體驗到送餐上門嘅「女友 Feel」！今次我就同大家深入傾吓，身為一個外國人，喺日本叫「外賣」到底有幾困難同辛酸！
【第一次自己打電話叫外賣嘅經歷】
第一次叫外賣，打嘅就係風俗店かなで畀我嘅外賣電話，咁我就膽粗粗試吓打過去！當時我嘅日文仲未算好好，講嘢難免會甩甩咳咳。電話一通，我嘗試用盡我識嘅日文去預約，點知對方店員一聽得出我係外國人口音，二話不說，「咔嚓」一聲，直接 Cut 咗我線！嗰吓真係覺得好灰、好錯愕。外國人喺日本玩風俗，遇到嘅第一道高牆，就係語言同國籍歧視！
雖然畀人 Cut 線，但我點會咁易放棄？我即刻再「追 Call」打多一次過去！
今次電話一通，我費事再同佢廢話，直接講：「等陣！我其實係喺中洲泡泡浴識得かなで（Kanade）㗎！」 店員一聽到かなで個名，態度先至稍微軟化：「哦… 原來係熟客介紹呀…」跟住先至勉為其難咁肯聽我講電話。老實講，當時個店員嘅態度依然唔算太好，但冇辦法啦，喺日本玩風俗就係咁現實，要怪就怪自己當時日文未夠班，未可以做到對答如流。
就係咁，我第二次見到かなで就喺自己屋企！感覺同喺舖頭差好遠！至少嗰種「女友 Feel」，泡泡浴店係絕對畀唔到嘅！當時嘅價格大概係 18,000 円 90 分鐘，每次都足鐘甚至過鐘，呢段時間入面有非常充足嘅時間傾偈。談話內容非常廣泛，由對方嘅家庭，以至對日本經濟嘅睇法都有！對我日後嘅日文會話對答非常有幫助！所以真係好感謝かなで幫我打開咗呢個外賣嘅大門！
【由泡泡浴轉戰「外賣」嘅同居女友 Feel】
自從かなで介紹咗外賣店畀我之後，我就徹底轉戰外賣。比起中洲泡泡浴嗰種趕急、流水作業嘅感覺，我更享受叫外賣上嚟我屋企。 因為我哋已經熟咗，每次佢上到嚟，就好似女朋友返到屋企咁自然。佢會自己行去雪櫃斟水飲、自己擺低啲嘢，完全係一種「同居女友 Feel」，感覺好有溫度！我同かなで嘅關係亦都超越咗單純嘅買賣，到我畢業準備離開日本嗰陣，我將屋企有啲唔要嘅嘢送晒畀佢，我哋甚至有私底下約出嚟食飯、行街，成為咗一段好好嘅回憶。
【喺 Cityheaven 解鎖新女】
不過，男人總係會有少少貪新鮮嘅心態，叫多幾次之後，我就心思思想試吓同一間店入面嘅其他女仔。 要試新女仔，就必須要過店家嗰關。
經歷過打電話畀人 Cut 線嘅陰影之後，我發現打電話溝通風險太高，所以我決定改變策略——用文字溝通！ 我上咗日本最大嘅風俗情報網「Cityheaven」，直接搵舖頭嘅頁面，用 Message 功能同店家嘅客服聯絡。我單刀直入咁問：「請問你哋店入面，有冇邊啲女仔係肯定肯接外國人客㗎？」好彩大部份客服回覆得好快，仲畀咗幾個肯接外國人嘅名單我。
但要注意，作為一個新客仔，店家嘅客服通常都會要求通一次電話，其實佢哋係想睇吓客人嘅日文對話能力，確保可以同囡囡順利溝通，先放心畀啲女上客人屋企！通常第一次安全無事完成後，第二次打後再約嘅時候，只需 send message 就可以！有時幫襯多咗，店家仲會主動介紹有啲咩正嘅新女！非常有 VIP 嘅感覺！
【事後補習班： JLPT 試卷】
當時我正準備考 JLPT N2 同 N1，每逢啲女仔上嚟，完事之後如果仲有時間剩，我絕對唔會浪費——我會拎疊日文考試題目出嚟，叫佢哋試吓解答！ 個畫面其實好搞笑，一個風俗娘坐喺床邊幫我睇 JLPT 試卷。佢哋係日本人，當然一睇就識揀正確答案。但當我追問：「點解呢題係揀 A 唔係揀 B？個文法點解係咁解？」 佢哋通常都會唔知點樣解釋：「咦？我都唔知點解喎… 總之我哋平時就係咁講㗎囉！」 呢個時候我先深深明白到，識講日文同識教日文，真係兩回事！佢哋始終唔係老師，解唔通文法係好正常嘅。不過，可以喺咁親密、放鬆嘅「女友 Feel」氛圍下補習日文，絕對係我留學期間最獨特、最難忘嘅學習體驗！
其中一個外賣女仔Mia嘅打扮真係好似教師！（佢當時係大學三年級）
【Cityheaven VS YOASOBI Heaven】
以前未有英文版 YOASOBI Heaven、得日文版 Cityheaven 嘅時候，外國人想玩日本風俗係非常困難！尤其唔識日文就更加難！但而家情況已經改變，YOASOBI Heaven 係英文版，畀外國人可以直接用 Message 聯絡店家，而 Chatbox 更加有自動翻譯功能。你 send 英文畀佢，系統會翻譯做日文畀對方睇；掉轉亦都係，佢 send 日文畀你，就會翻譯返做英文畀你睇！成個過程非常流暢！
只需注意一點，英文版 YOASOBI Heaven 嘅收費係會比日文版 Cityheaven 貴啲，當係「外國人料金」，請參考以下案例：
無論Cityheaven抑或YOASOBI Heaven 除咗基本費用之外，仲會有「指名料」(Nomination Fee)，即係話你揀女就要畀，通常 1,000 至 2,000 円左右。如果係外賣店嘅話，仲會有交通費。有時有啲舖頭交通費會分幾個 Ranking，近嘅 1,000 円，遠少少 2,000 円，再遠啲可能要 3,000 円！( 每間舖頭收費唔同) 所以加埋基本收費之後，通常都會貴咗幾千円！
下一篇我就開始講吓外賣嘅趣事！敬請留意！
