工口社長
除咗日頭返學、晏晝睇 AV 學日文之外，嚟到日本留學，又點少得「實戰」呢？我喺福岡留學嗰陣雖然正值疫情，但難得嚟到日本，冇理由唔去見識吓當地嘅風俗文化㗎嘛！
留學冇幾耐，我就心思思去咗福岡最出名嘅中洲，搵咗間泡泡浴（Soapland）見識吓。因為疫情期間冇遊客，絕大部份客人都係日本人，好少外國人，亦因為咁，有好多舖頭都唔接外國客！一開始都幾有挫折感，就算我努力用日文溝通，佢哋一聽到有口音都會委婉咁趕我走。好彩最後都搵到幾間肯俾外國人玩嘅店，咁我就喺其中一間開始咗我嘅初體驗！
喺中洲玩嘅流程通常係咁：首先同舖頭外面嘅客服（扯客）打個招呼，問吓佢哋接唔接外國客，接嘅話就可以入去揀相。每間舖都會講明邊啲囡囡肯接外國人，所以我哋嘅選擇的確會比日本客人少啲。不過都冇所謂啦，起碼有得玩！當時嘅價錢大概係 70 分鐘 24,000 円左右，每次幫襯完佢都會俾張 2,000 円嘅折扣券留返下次用。不過優惠只限特定時段，夜晚黃金時段係用唔到嘅。我基本上都係放學去，晏晝兩三點呢啲時間去就啱啱好用到優惠！
傾好價錢就係揀相環節，佢俾你揀嘅全部都係接外國客嘅囡囡。揀好相俾完錢，客服就會帶你去候客室等。等待嘅過程真係最期待同最興奮，每次都好似開盲盒咁！當囡囡準備好，客服就會入嚟候客室嗌 Number（因為入面仲有其他客，個個都揸住個 Number 牌）。
(真實場景AI 模擬圖。）
輪到你嗰陣就可以上去啦！呢個時候囡囡已經會喺樓梯等緊你，然後會拖住你手仔入房，場面真係非常溫馨！
我第一次去嗰度，揀咗個叫「かなで」（Kanade）嘅女仔。佢當時大概得 22、23 歲左右，個樣好細個，帶住少少 Baby fat，真係好得意、好 Q！佢亦都好健談，大家傾得非常開心。話時話，呢次係我識講日文之後第一次去泡泡浴，感覺同以前要靠 Google 翻譯嘅玩法真係完全唔同！因為可以直接用佢哋嘅語言溝通，感覺親密好多！冇咗語言隔膜，雙方都更加投入。諗返起以前仲要揸住部手機逐句翻，真係非常唔方便！
完事之後同佢傾床頭偈，佢話除咗喺泡泡浴返工，平時仲有兼做デリヘル「Delivery Health（外賣送上門）」。當時我連 Delivery Health 係咩都唔知，上網查完先知原來可以叫女仔上門！佢仲教路，外國人自己打去預約好容易被 Reject，預約嗰陣一定要「撻佢個朵（指名）」。就係咁，かなで 俾咗個意想不到嘅額外 bonus 我！
下一篇，等我再同大家講吓喺日本叫「外賣」嘅實戰經歷啦！
