Turning Point by Coffee Art
Tuesday, 15 June 2021
detail 可去tommy姐姐ig到睇喔 https://www.instagram.com/p/CQI6xZ7A960/?utm_medium=copy_link
想甜嚐甜
Thursday, 04 March 2021
《想甜嚐甜》 黃大仙蒲崗村道73號富佑大廈地舖 大角咀嘉善街18號利奧坊二期地下G703號舖 西環堅尼地城士美菲路15號地下 ============================================================= 印象中，想甜嚐甜第一間舖係嚮黃大仙開始，之後果兩間舖邊間先後我就唔係太清楚。 而其鎮店之寶，就係名為花之水滴的甜品，曾經上過 ViuTV 的節目「空肚講宵夜」。 除左花之水滴之外，佢嘅甜品種類凡多，有芋圓、心太軟、窩夫、雪糕、夾心格餅、楊枝甘露、芭菲等等。 雖然話就話甜品係第二個胃，但實在又真係食唔落咁多。所以只能介紹幾款畀大家，其他就等各位自己去試試。 芋圓分別有左圖的黑糖芋圓仙草，及右圖的椰芋。 黑糖較坊間的無咁甜，但我反而覺得剛剛好。有時太過甜的話，反而食唔出芋圓的味道。 之於椰芋，椰香味重，比起黑糖再淡少少。無他，主打食椰香嘛。而且椰芋仲有埋椰肉同紅豆，口感又會豐富少少。 而黑糖配仙草，甜得黎口感清爽。你問邊款好食Ｄ，就只能講不分高。重來只有小孩才選擇，大人一定係「Why Not Both」。 除左黑糖同椰汁底外，仲有芒果底，有機會要試試。 上圖咁豐富嘅就係海鹽焦糖爆谷火炙香蕉窩夫配乳酪雪糕。 冷熱，軟硬，咸甜各種有著對比的口感，真係一次過滿足晒所有願望。 大角咀店收銀後邊一系列 PopcornBrother 的爆谷，唔知呢款Ｄ爆谷係唔係由佢提供呢？ 呢款咁飽肚嘅甜品，女士食的話，開心 Share 就最好喇。 最後介紹的芭菲杯，呢杯係「黑」—— 朱古力醬，朱古力布朗尼，烤杏仁片，肧芽玄米及迷你甜筒 —— 杯仔細細，但份量一Ｄ都唔細。 口感軟硬香脆，朱古力甜而迷你甜筒就酸（乳酪雪糕），又係一大傑作。 大角咀店的餐紙，成間舖畫左畀你睇。
牛天神
Thursday, 03 December 2020
《牛天神》 銅鑼灣伊榮街9號地下1號舖 星期一至日 12:00 – 22:30 ==================================== 有得揀，點解仲要食吉Ｘ家！！ 鍾意食牛丼的你，絕對有得揀。 牛天神位於銅鑼灣伊榮街，地點上黎講，實在係有少少唔方便。但我相信如果做得好，佢將來應該會有更多分店。 點解我咁講？因為牛天神，正正就係別天神的姊妹店，咁你諗下全港有幾多間別天神？ 有咩食？ 就好似別天神得幾款拉麵一樣咁簡單，牛天神主打牛丼同雞扒飯。 普通牛丼、溫泉蛋牛丼、野菜牛丼、照燒雞扒飯、日式咖喱牛丼同日式咖喱雞扒飯。 乜咁少？ 專心做好幾樣野食，好過畀幾十款你揀但樣樣都唔掂。係唔係先？ 份量方面，牛肉多過吉Ｘ家，飯量亦都大過吉Ｘ家。 價錢方面，$45 起跳仲有個麵豉湯，其實都好ＯＫ。 味道方面，我就略嫌咸左少少（可能係Uncle 我食得太清淡），但牛肉o既口感係好過吉Ｘ家o既。 因為我幫襯果陣時只係試業，所以水準可能會有參差。 將來再食的話，再 Update 大家。
古月 / T2P
Monday, 02 November 2020
《古月》 北角錦屏街後街29號A舖地下 星期一至六 12:00 – 21:30 星期日 全日休息 北角錦屏街後街，係黃店食肆集中地。 其中古月，米芝蓮推介。 ［招牌肉骨茶］ 其中肉骨茶配上蒜頭，其胡椒味極濃。 另外仲有藥膳肉骨茶。 除推介肉骨茶外，佢個古滑雞都好好味，雞滑，醬汁惹味。 ［辣椒板麵］ ［蝦麵］ 平常我仲會食佢個蝦麵，同埋辣椒板麵。 咖喱麵香辣惹味，辣椒板麵又係胡椒味極重，仲會送上一碗雙丸湯。 食得落的話，試埋佢個小食脆皮雞，炸得剛剛好，唔會太油亦唔會太乾身。 飲品方面，我必點三色奶茶。 《T2P》 營業時間：理論上每個月第三個星期日（請留意古月/T2P FB/IG） 講開古月星期日休息。 但每個月第三個星期日，佢都會變身成為T2P, The Second Phase. 食嘅野完全唔同晒。 前菜我食兩次都有少許不同。 第一次係劍魚腩片，第二次係牛肉他他。 主食方面，有日式咖喱，有茶漬飯，有拉麵同沾麵。 ［拉麵］ ［沾麵］ ［茶漬飯］［日式咖喱飯］ 樣樣都咁好味，真係要親身去試晒先得。 提一提大家，佢個拉麵同沾麵湯底，就算叫蕃茄湯或辣味都好，都唔係一般拉麵店咁濃濃的蕃茄/辣味，反而係佢固有的清湯底冷上，再加入蕃茄/辣味，食落口又係另一番感受。 ［左上 Karry On］/［右上 蘋果特飲］/［左下 劍魚腩片］/［右下 牛肉他他］ T2P 的飲品亦都好出色。 有自家制 Karry On 薑檸Soda. 另外第二次食仲有個蘋果特飲。 所以最好留意一下佢地個FB / IG。 古月 FB：https://www.facebook.com/ancientmoonhk 古月 IG：https://www.instagram.com/ancientmoon_hk/ T2P FB：https://www.facebook.com/t2P-110140114106526
送10000個口罩都比廢老屌嘅良心餐廳 咖哩葉 Curry Leaf Indian Cuisine~
Saturday, 08 February 2020
送10000個口罩都比廢老屌嘅良心餐廳 咖哩葉 Curry Leaf Indian Cuisine~ cap from 連登 有時唔好問我地點解會直線宣傳D舖頭，無得解 先唔好講印度D貨掂唔掂，無起上黎，真係M巾笠頭都要😂😂 而且，係10000個，仲要好轉折運返黎香港，仲要免費派，仲想點？ 我地就好尊重老人家，但有一句說話不嬲都好啱 廢老之所以廢唔係老，係廢🤷♂️ 好多老人家都好精靈，好醒目，真係唔好影衰老人家呢個terms 好，講返呢間印度野先😆😆 即係咁，我地都唔知點解平時唔覺意去左食D良心舖頭 大家都知我地d event post係嚴重滯後😝 話說有次有次miss chan chan 過黎，玩完之後 (event後補) 出去醫醫肚 就係去到茂林街呢間，印度野 ，Curry Leaf 佢又真係好多特色野食，詳細咩名打咩名真係唔記得喇😂😂😂😂😂 但有D係會幾辣，落單時可以問清楚，老闆同店員都nice嘅 我地唔係美食blogger，不過如果鍾意食濃味野嘅 值得一試 完
開會去食程班長
Wednesday, 05 February 2020
開會去食程班長 上次文匯網就間接教人食精，今次睇過？ 喔，今次都係講食嘅，就係話食台灣麵會壞肚…. 文匯咁”高水準”嘅野，我地呢ｄ凡人真係識條鐵。。 我地都係睇返班長~~😂😂 黃店真係黃店，再加上食飯時間嘅工廈，真係多人到呢……….. 再次強調，係本人spidey仔唔係好識影呢ｄ食物相，所以係我影得唔靚 唔係ｄ野食賣相唔靚🤣🤣🤣 我自己就食左個清燉牛肉麵嘅，清湯就真係好清嘅，鐘意濃味嘅，就唔好點呢個 但牛肉就真心好食，唔會韌，淋嘅 至於個麵都好彈牙 唔講太多廢話，係LCK返工果頭，繼續幫趁佢地多D喔~
熟食event (video) – PRIVATE
Wednesday, 05 June 2019
話說有之前Rock Gor 條片有人留言，表示擔心我地食生野會集體肚屙XDD 的確係有咁嘅可能性嘅！特別係夏天！ 為左表示我地真係好積極回應，所以今次就叫左d熟食叫左d tuna risotto 同prawn linguine 返黎食 正所謂食色性也食好ｄ，做好ｄ， 高潮都容易D😂😂😂😂 去片~~~~~ (PRIVATE+ed)