【背後的光圈 #2】- 為 Gentleman 的甜故 “The Sparkling Shiraz” 配樂

“The Sparkling Shiraz” 發生喺香港，咁呢個故仔嘅背景音樂當然係選擇 CantoPop 啦。我喺香港出世，所以我係聽粵語流行曲長大，咁當然對 CantoPop 嘅歌曲有最深嘅認識啦，由 70 年代到而家嘅歌都熟。

故事開始時， Gentleman 喺灣仔搵緊一支適合呢個活動嘅酒。對我嚟講，灣仔係一個外國人點睇香港呢個文化而塑造出來嘅地方，尤其係喺電車路附近，利東街，同埋會展沿線嘅地區。你可以話佢係做遊客生意，感覺似 70年代夜上海嗰種輝煌 feel。所以呢個環節我揀咗蘇永康嘅「有人鍾意藍」，因為音樂前奏就係呢種花樣年華嘅百老匯感覺，亦都好似呢章嘅標題咁：「 Sparkling 」。我完全想像到 Gentleman 喺酒舖入面專注地揀酒，然後舖頭就係播緊呢首歌做背景音樂，好切合個場景。

.

當 Jas 來到酒店房裡，整個氣氛都唔同咗，亦都係一個明顯嘅轉歌位。喺呢一刻我決定換一首更誘人嘅歌，就似 Jas 走入嚟嗰一刻，佢舉手投足嘅每一個動作、每一個眼神、每一個呼吸都在誘惑著房入面嘅每個男仕。我選擇 JB 首「西遊記」因為字面上係講緊周星馳嘅西遊記電影，但你留意歌名暗地裏都可以理解為「遊走於女仕的西的故事」，而歌詞周圍都充滿性暗示，例如：「我嘅體溫 由淺入深 解開你複習關卡  勾起你色心 令仙女也不禁亦要散花」，「我屬猴 叫我孫悟空 唔係叫哪吒  神奇 金剛棒 令你揀我不揀他」，「你係我嘅花果山入面嘅水簾洞」，等等。

.

雖然我選擇嘅係呢首歌嘅純音樂版本，所以聽唔到佢精彩嘅歌詞，但係齋聽佢編曲嘅音樂：悠閒、懶散、但同時亦係呢個氣氛慢慢建立起性張力。

.

呢首歌亦都成為咗一個好好嘅鋪排來連接落下一首歌：許志安嘅經典作品：「迷糊、情慾、對象」，而且係一個新混音版本。我揀呢個版本因為原裝嘅歌冇乜背景音樂，而呢個混音嘅背景音樂豐富好多，適合埋牙嘅性愛場面裏面播。歌詞和音樂更加比「西遊記」直接，聽到呻吟聲。呢首歌喺 CantoPop 世界入面被廣泛認為係一首誘人嘅歌，因為歌詞好明顯係講緊慾望和誘惑。但有趣嘅係電視台和電台並沒有禁呢首歌，仲幫首歌廣泛宣傳。所以話香港真係一個有趣嘅地方。

.

The DJ

Patreon: Link here
Twitter: Link here
Instagram: Link here