djdj
眾所周知，Gentleman 對酒、女人、同奢侈品都好有品味。 我跟 Gentleman 喺過往 HKSP 嘅活動中見過幾次。佢的確係一個好有型嘅男仕。
有一日，Gentleman 喺 IG DM 我。佢想同我合作去創作一個 playlist 出來。Playlist 入面嘅每首歌就係代表咗 Gentleman 係一個點樣嘅人同埋有乜嘢品味。我同佢講我好樂意同佢合作，因為我都鍾意佢個性格。 只係當時我仲未諗到點樣去包裝同埋呈現呢樣嘢，令成個項目可以 fit in 到個 big picture。
Gentleman 形容自己係一個40多歲，喺英國出世嘅中國人。佢而家正職為顧問，成日要去唔同嘅國家公幹，每日行程超級繁忙。因為佢周遊列國，佢想睇吓我啲歌可唔可以跟嗰個國家貼切。例如：如果佢喺東京，就搵啲適合嘅日文歌作為 playlist。我心諗：「 Ok ，佢成日去旅行，而佢而家寫緊一系列關於佢喺呢啲唔同國家嘅甜故，咁點解我唔將佢入 playlist 嘅歌曲作為甜故嘅背景音樂呢？就好似一個電台節目一樣，齋得一把聲有佢吸引之處，但清談節目配上一個細聲嘅背景音樂絕對是如虎添翼。所以 Gentleman 喺呢度講甜故情況都係一樣：配上一點背景音樂會令聽眾經歷更立體和更身臨其境嘅體驗。每個甜故都會包含兩至三首歌，隨住佢寫得越嚟越多嘅甜故，佢會儲埋越來越多歌，而呢啲歌就會成為 Gentleman 嘅 playlist。由於啲歌同劇情有關，佢哋會定義了 Gentleman 嘅角色是點麼樣的。有了這個方向，我們倆都覺得這個合作立即變得有趣了。
將歌曲作為甜故的背景音樂有另一個好處：呢個係一個好例子來展示成人音樂是怎樣增強聽眾的氣氛。 如果你細心留意到，我喺 Gentleman 甜故入面用咗我喺 《宇宙大爆炸 #1》 文章入面提到嘅某些歌。 啲歌同故事嘅內容相關，所以當有重大嘅場景變化嗰陣，啲歌都會相應地變。 你亦可能會留意到大部份嘅背景音樂歌曲都係冇歌手把聲，因為如果原本嗰首歌有歌手喺度唱歌，背景嘅歌聲加歌詞會干擾到 Gentleman 喺前面講甜故嗰把聲。 咁樣會令聽眾好易分心，搞到佢哋唔知應該聽邊把聲至好。
呢個文章系列嘅標題叫做「背後的光圈」，因為光圈其實係指太空望遠鏡上嘅鏡頭光圈。 太空望遠鏡令我哋可以睇到我哋平時用肉眼睇唔到嘅嘢。 鏡頭嘅光圈可以將事物放大到好細緻，令我哋可以明白太空裏嘅奧秘。 所以同樣地喺呢個系列入面，我會詳細咁講解點解我會揀某些歌，同埋探討我背後嘅思維過程。
The DJ
Instagram: Link here
Twitter: Link here
