Sex Party與 AOC AOC係一隻經典嘅電腦遊戲，亦都係一個童年回憶 想當年，一放學就去網吧或者返屋企同同學仔一齊打 (果陣仲係56k modem年代。。。） 就算經歷左咁多年，都仲係咁經典。 最近呢幾年，出返多幾隻expansion pack，多左好多新種族 有新科技，又有新兵種，係正嘅。 所以呢家嘅高手同以前嘅高手真係無得比較 但網絡上嘅人，就係鐘意無乜logic咁比 成日係到FF，究竟呂布好打D定項羽好打D 自由高達勁D定F91勁D 真係無乜意義 就好似AOC咁 我地果個年代，香港第一 yanzi，白日夢。 世界第一韓國arch_koven，D 控兵同打法已經好顛。 當時兵種唔多，打法黎黎去去都係咁。 但去到呢個年代，新一班世界高手已經又係另一個境界 世界第一 viper 15~6線同時操控，等閒事 新種族，新特性，新兵種，打法越黎越多變 同以前相比，根本就係兩個完全唔同嘅世界 所以強國高手mr yo呢條片都有解釋晒 重點係 1)尊敬前人，因為佢地係開拓左一D基本打法，留比後世嘅人參考，改良 2）如果舊有高手係返呢個年代操返機，一樣可以好勁 3)但如果舊時代高手只用返以前方式，幾乎百份百無可能贏到呢一代嘅高手 同搞party一樣，前人搞Party，由無變有，開創一個模式出黎，值得令人敬佩，尊敬。 但時代嘅變遷，新一代嘅處事方式，新媒體嘅興起，網絡嘅發展，就好比aoc ge expansion pack，加入左好多新元素 令成件事更有趣 舊人當然可以選擇繼續做一個”老手”（老手不等於高手，就多一點經驗而已），拒絕改變，持老賣老，對”新手”指指點點。 但世界正在改變，邊一套留得低，邊一套留唔低，大家唔需要爭拗。 市場，從來都係好現實，亦好殘酷。 邊d越做越霉，折墮到搵雞同燈頭黎撐場 邊d越黎越多資源，慢慢越黎越多野玩 好易會分辨到