時光飛逝，咁又4年 琴日見到日本隊贏波呢一幕，又勾返起4年前既回憶 日本隊真．光榮出局 當時我地仲係keep住去日本，返到黎又搞返個世界盃event，一齊睇ball兼。。。😂😂😂 不過今日都唔係講event，依然係講日本大和魂！ 已經有好多人已經講返日本逆轉性德國呢場波 真係基本上咩角度都有，專業既，花生既，LGBT既，左膠既 但我地仍然好想講下呢場ball 利申，一直係阿根廷Fans，但keep住有留意日本國家隊咁多年表現，好多時都係好winning，好花巧，同一開始搶攻得好，但無尾陣，好快chur晒D體力，去到65~70分鐘左右已經見到大部份球員唔夠氣。 但呢種進攻足球，真係好睇，好熱血 就算2018年果界，我地都睇住佢地出局得黎都好光榮 去到今年，特別係下半場 D ❌🔲迫搶做得好好，逼到德國隊中場已經失波 D L1+🔼 , L1+⭕️又係比得好通透，比穿晒條防線 見到D攻勢一個接一個，係差在前鋒仲比把握到，真係睇到非常肉緊😩😩😩 最後，二比一反勝，第二球窄角度射穿紐亞，真心嗌左出黎 就算領先2比1，佢地都無龜縮，仲係保持攻勢 真係去到接近90分鐘，先至防守 呢種進攻足球，熱血到不得了，非常感動 打到巨人歌利亞既故事，永遠都咁熱血 但香港人，除左羨慕人地之餘，其實都可以留意一下香港所有做緊實事既人 每個界別都好多能人異士，係無任何支持下，都行到好遠，佢地背後一樣付出左好多汗水同淚水 當佢地有一日踏上世界舞台既時候，希望大家都會支持佢地，為佢地覺得光榮🙇🏻‍♂️