Lena 會客室 Event
Wednesday, 27 April 2022
關於lena，我地respect佢個人意願，好多野唔能夠分享太多 出得嘅就當然有consent 所以，都好符合我地風格嘅，有心人自然會透過絕無僅有嘅information去窺探呢位女士 事不宜遲，開始～～～ 每次有lena，就有D特別產地嘅酒，特別到可能連大家都唔知呢個地方有出產自己嘅紅酒/白酒 由於太特別，又唔post得😘😘😘 另一個特色，間房就係無敵大海景 我唔知大家有幾鍾意望海 我自己就係果D望海，可以望左半日，發吽哣，乜都唔做果D人😂😂😂 而下午到達嘅呢位ching，總會伴隨Shangri-La嘅Cake 呢張影得hea D係有原因，因為重點放左係另外兩款到 因為以下落黎呢兩款就係Lena自己親手做嘅cake 其中一款係紅桑子開心果仁蛋糕 另一款係榛子朱古力薄脆蛋糕 根據資料顯示，果位ching係食左4件 而有食過嘅人都分享返果個甜到係非常適中，唔會甜到瀨屎果D，真係會食唔停口 連唔食甜野嘅人都會話好食，呢個就係呢件cake嘅魔力 🤤🤤🤤 食件cake，望住個景 跟住。。。。 跟住就去到夜晚準備晚餐🤣🤣🤣🤣 溏心蛋蛋 酒浸鮑魚 菇菇豚肉片~ 芒果香茅三文魚 特別係個香茅，提升晒成個層次🤤🤤 就係呢幾道菜，全部都有心思 就算佢唔講解每一道菜嘅特色，都feel到正係要處理D鮑魚都係一件幾咁煩膠嘅事😱😱😱 餐後仲有D小食送酒 最有印象就係呢款芝士 長條得黎又拉絲咁，食落去仲有啖啖煙肉味，不得了~~ 而仲有一款壓軸嘅甜品 都係唔post得嘅😆 😆 😆 😆 只能夠話香氣清新，甘而不膩，外脆內軟 又係動態清0 大家動態地將呢個甜品清到零呀！ 連夜晚做gym果位朋友都包底食晒，咁你話有幾perfect？ 飲飽食醉。。。就。。。。 緊係傾下計😎 話說呢位做gym嘅朋友仔，比佢ex長期困擾 又情感勒索，勒到佢呢都無晒性慾 有一段時間仲懷疑自己係唔係身體出現毛病走去睇醫生！ 其實都真係幾慘，醫生當然話無問題 咁我地都覺得佢係心理問題大過生理問題 我地不嬲都係實幹求真型 又好好，Lena除咗煮嘢食叻之外都。。。
- Published in 過往派對
想甜嚐甜
Thursday, 04 March 2021
《想甜嚐甜》 黃大仙蒲崗村道73號富佑大廈地舖 大角咀嘉善街18號利奧坊二期地下G703號舖 西環堅尼地城士美菲路15號地下 ============================================================= 印象中，想甜嚐甜第一間舖係嚮黃大仙開始，之後果兩間舖邊間先後我就唔係太清楚。 而其鎮店之寶，就係名為花之水滴的甜品，曾經上過 ViuTV 的節目「空肚講宵夜」。 除左花之水滴之外，佢嘅甜品種類凡多，有芋圓、心太軟、窩夫、雪糕、夾心格餅、楊枝甘露、芭菲等等。 雖然話就話甜品係第二個胃，但實在又真係食唔落咁多。所以只能介紹幾款畀大家，其他就等各位自己去試試。 芋圓分別有左圖的黑糖芋圓仙草，及右圖的椰芋。 黑糖較坊間的無咁甜，但我反而覺得剛剛好。有時太過甜的話，反而食唔出芋圓的味道。 之於椰芋，椰香味重，比起黑糖再淡少少。無他，主打食椰香嘛。而且椰芋仲有埋椰肉同紅豆，口感又會豐富少少。 而黑糖配仙草，甜得黎口感清爽。你問邊款好食Ｄ，就只能講不分高。重來只有小孩才選擇，大人一定係「Why Not Both」。 除左黑糖同椰汁底外，仲有芒果底，有機會要試試。 上圖咁豐富嘅就係海鹽焦糖爆谷火炙香蕉窩夫配乳酪雪糕。 冷熱，軟硬，咸甜各種有著對比的口感，真係一次過滿足晒所有願望。 大角咀店收銀後邊一系列 PopcornBrother 的爆谷，唔知呢款Ｄ爆谷係唔係由佢提供呢？ 呢款咁飽肚嘅甜品，女士食的話，開心 Share 就最好喇。 最後介紹的芭菲杯，呢杯係「黑」—— 朱古力醬，朱古力布朗尼，烤杏仁片，肧芽玄米及迷你甜筒 —— 杯仔細細，但份量一Ｄ都唔細。 口感軟硬香脆，朱古力甜而迷你甜筒就酸（乳酪雪糕），又係一大傑作。 大角咀店的餐紙，成間舖畫左畀你睇。