HKSecretParty既各位朋友新年快樂！先容許我自我介紹，我係LIHKG(連登)成人台既會員新東寶翻譯製作。 有幸收到HKSecretParty既邀請，小弟由今個月開始會喺呢邊有個小小既專欄，同大家分享一啲日本AV方面既資訊同消息，還望各位哥哥姐姐喺嚟緊既日子多多指教。 或者等我講多少少我既背景，LIHKG(連登)係一個香港既網上討論區，裏面同其他地方既網上討論區一樣有劃分唔同既主題版塊，而我喺連登既成人台入面會同大家分享一啲日本AV業界既消息、資訊、每個月AV新作既情報、AV女優既日常動態、銷量既排行榜，有時亦會分享睇完一啲AV既觀後感同見解，以上既「工作」我喺成人台大慨做咗三年。 有幸喺呢幾年認識咗好多好好既網友，大家會喺度一齊傾AV，分享睇法，研究AV同女優既優點缺點，唔係一嚟就seed呢link呢咁樣，漸漸形成一個好好既討論風氣，等鐘意AV既朋友有一個小小既平台可以盡抒己見。喺過去呢幾年我都係喺成人台從大家身上不斷學習同成長，大家亦唔嫌棄我文筆差劣，先能夠有今日呢個機會可以喺HKSP呢度同大家暢所欲言，喺呢度借個機會多謝喺連登既一班兄弟姊妹，多謝連登先。 講返AV呢part，睇AV對於好多人嚟講，可能就只係上網搵個資源，洗洗手除低條褲，打兩下冷震，AV女優就喺你面前打卡收工。但其實AV業界係一個好有趣既行業，每一日都有各色各樣既新聞、消息、女優既日常生活等等，就好似一個小型既娛樂圈，有好多時當你了解個女優多啲，你睇片嗰陣既感覺又會有唔同。希望喺我呢個小小既專欄入面，可以令你對日本AV業界同女優有更多既認識，令睇AV呢件事變得更加有層次，亦希望可以喺呢度都能夠營造到一個熱衷討論AV既氣氛，熱愛Party既各位亦不妨發表一下你地對AV既睇法，大家互相交流學習。 第一次見面就咁多廢話希望唔會嚇親大家，以下就容我介紹今日既主角，戸田真琴。