AV業界係一個永遠都唔會缺乏新人入行嘅行業，一嚟係因為拍AV呢件事喺日本越嚟越被大眾接受，大家都係打份工搵食，冇咩咁特別；二嚟拍AV係一個搵快錢嘅途徑，有唔少大學生、在職人士，都將拍AV視為一份兼職，等自己有多一份算係幾穩定嘅額外收入；三嚟係AV女優形象已經大不如前，明日花キララ同三上悠亜嘅轉型成功都令到好多日本女仔睇到，原來AV女優可以打返入時裝潮流市場，自己個名可以成為一個品牌，仲可以享受下成為明星名人嘅待遇。大家都發過明星夢，而AV女優比起普通明星，好似更加容易發到圍，如果自己接受到，點解唔試下？ 當然，並唔係每一個新人都係三上悠亜，冇咁多一路向上平步青雲嘅成功案例，而一個新人女優嘅成功與否亦都好睇天時地利人和，事務所嘅重視程度、片商嘅栽培方向，都直接影響到一個新人女優喺呢個業界嘅將來發展。 喺栽培女優方面，無人不曉嘅片商S1有一套佢地片商獨有嘅新人試用手冊，任何一個新人，無論你背景係藝能人轉身下海、寫真偶像終極一脫、純樸女子大學生、定抑或係千年難得一見嘅國寶級body都好，入得嚟S1做新人就一定要拍齊呢幾套題材，先至會開始俾其他題材你拍；同時，呢幾套新人必拍作品嘅銷量，都係每位新人嘅試用期考核，出嚟嘅成績直接影響將來同S1呢間一級片商續約嘅機會同合約期，俾唔俾個女優繼續留低，定係麻煩秘書開門俾佢出去另謀高就，就喺呢幾套作品入面定生死。 今日就同大家go through一下呢幾套必拍作品嘅題材，到底係點樣喺作品度「試用」、「訓練」個新人女優，同埋又點樣將一個新人女優由零開始介紹俾觀眾認識，一齊嚟學習一下。