話說小編上星期share左呢套比大編睇
印度野，講性教育，好似幾有meaning，咁就快睇左
印度片真係閒閒地都2.5鐘起跳，呢套都唔例外
上套就係睇gangubai，都係2hr35min。 (https://hksecretparty.com/2022/05/27/gangubai-kathiawadi/)
開頭都驚會唔會好長。。好多大道理。。會比較悶
但睇後感，我又會話真係出奇地好喎，可能個劇情都幾緊湊！
個故仔就係講呀男主角Pankaj Tripathi飾演一位老豆，佢就非常虔誠地信奉呀濕婆(一位印度神）
有一日，佢個仔入左醫院，了解完個前因後果就係佢係學校比人bully
過程
D仆街同學笑佢細J >佢就係坊間尋找方法令JJ變大> 最後就係街邊藥房買到偉哥>
食左就不停硬，打極飛機都硬> 係學校廁格到比D仆街仔偷拍放上網
就係咁，名牌學校主席逼佢個仔退學，保薦人叔叔又比說話男主角同佢個仔聽，簡單講，全條村社會性謀殺佢全家
連男主角都兜巴星個仔，覺得佢影衰晒佢。。。so9sad
直到呀仔自殺，飾演濕婆神嘅信差Akshay Kumar
以凡人肉身身份出現，救咗呀仔，點醒佢老豆
佢個仔打飛機無錯，錯就錯在呢個社會同學校無好好教佢地性知識先搞成咁
黎到呢到，我覺得呢套戲先正式開始 😎
因為以下落嚟就係毒舌大狀/legal high/逆轉裁判時間
老豆決定起訴晒所有有關人士，最重要就係挑戰學校權威！
其實佢訴求好簡單，只係要校方一個道歉同埋比返佢個仔入學
But you know?要權威道歉？傻L左咩😌
呢個時候，女律師登場！Yami Gautam
一出場以為佢係幫男主角，原來佢係校方主席嘅親戚😀
兩三道散手就即刻嚇到男主角代表律師都放棄呢場官司
係萬念俱灰嘅時候，濕婆神再度給予提示，令呀男主角有勇氣繼續battle，選擇自己黎！
單挑權威🔥🔥🔥
審訊過程中，女律師用盡嗱喳招數，擺埋呀仔上庭，公然羞辱佢，兇9佢。
呀仔都比條8婆迷失晒，仲要怪埋老豆一份令佢醜上加醜，陰公 😭
見到律師呢D嘴臉，的確唔陌生，但總會令人覺得好嘔心。
明嘅，律師為client爭取最佳結果，係要咁做野嘅
好在呀爸心理強大，自己做資料搜集，摷返印度嘅四書五經，即係慾經Kāmasūtra源遠流長
就用呢個point，開始佢嘅絕對反擊
但可惜，最後關頭
主席真係主席，又出招
你一拳，我一腳，轉眼就左兩個半鐘😂😂😂
所以結論係強烈建議政府同教育界、做家長嘅同子女一齊觀看
因為好值得令人反思，性教育係應該點教？
幾時開始教？
呢家香港嘅性教育又足唔足夠？
如果政府無時間理，大家又可以點自我提升性知識水平？
完
