相信有唔少AV女優FANS都同小弟一樣，每日無論起身搭車食飯瞓覺，一有空閒時間就係碌Twitter碌IG，睇下心儀嘅女優有咩新動態新活動，嘗試緊貼女優每一日嘅心情同行蹤；除此之外，每日欣賞女優嘅靚相，都係我地AV女優FANS嘅幸福時間，朝早睡眼惺忪嘅時候見到女優po咗張喺床上面酥胸半露同你講早晨嘅床照、食飯嘅時候睇到女優放咗一對新鮮嘅豆奶喺餐枱、仲有臨瞓之前睇到女優扣少兩粒衫鈕嘅晚安睡衣照，都係我地每日努力生存落去嘅原動力。
除咗AV女優嘅自拍美照之外，AV女優嘅經理人作為女優喺工作上最親近嘅角色，有好多時候都需要充當埋攝影師嘅位置，拍攝平時女優工作、外出嘅日常，等女優有更多嘅靚相可以同FANS分享。一個稱職、盡責、身兼多職之餘仲係周身刀張張利嘅經理人，絕對可以左右AV女優演藝生涯嘅起落。
今日同大家介紹幾位我自己覺得喺拍攝AV女優日常方面，非常稱職嘅經理人，仲有就係經理人同事務所點樣利用一啲有趣嘅主題，增加呢啲女優日常相片嘅趣味性同追看性，一齊嚟睇睇。
喺po講早晨相片方面非常專業嘅miru
首先就係Bstar事務所嘅社長，FANS之間稱呼佢做「ボス」(Boss)，貴為業界其中一間實力強橫事務所嘅領導人，同時亦係女優事務所聯會嘅會長，ボス喺身兼多職嘅情況下同時都要照顧旗下重點女優嘅各項工作，當中包括幫女優影放上社交媒體上面嘅硬照。
天使もえ（天使萌）同未歩なな（未步奈奈），兩位Bstar事務所嘅招牌女優，都係由ボス親力親為照顧工作需要，喺呢兩位女優嘅Twitter上面，經常發現ボス同佢地影嘅唯美靚相，透露性感色氣之餘，光影等等攝影技巧都相當到家；甚至天使もえ嘅某一兩本寫真集，都係由ボス親自操刀拍攝，可見天使もえ對自己呢位社長嘅信任同肯定。
本日のあまつかはジューシーハニーさんの撮影です✨通算何回目なんだろ？？いつもありがとうございます！！
※だだちゃ豆チップ美味すぎる
やっぱ鶴岡産だだちゃ最強だな👌 pic.twitter.com/1qhOmS5O1D— ビースターBØSS 🎸📷 (@Bstar_boss) September 1, 2023
おはようございます🌼
今日も笑顔になってね(՞ ܸ. .ܸ՞)♡#なぁたんにこにこ計画 pic.twitter.com/Z1TksNmHfE— 未歩なな🍏 (@miho_nanachan) August 22, 2023
另一位喺影相技術方面又係有一手嘅，係我地FANS戲稱佢做「光頭佬」嘅Life Promotion事務所社長，同時亦係Ideapocket專屬女優桃乃木かな（桃乃木香奈）嘅經理人。同Bstar嘅ボス一樣，呢位光頭佬都係自己親手處理桃乃木嘅各項工作，包括陪伴呢位大食妹去食嘢。
所以喺光頭佬嘅Twitter上面，除咗搵到桃乃木喺工作現場嘅花絮照片，仲會睇到平時桃乃木到底有幾大食嘅一面，相比起ボス嘅唯美風格，光頭佬影出嚟嘅感覺就比較親民，會有種同桃乃木一齊相處緊嘅錯覺，陪著佢工作、收工、食嘢等等，可以話係另類嘅男友視角。
桃乃木の0.01mm pic.twitter.com/0PhodwOX8d
— 桃乃木かなマネージャー (@momonogikana_mg) December 3, 2022
わんぱくでもいい、たくましく育ってほしい pic.twitter.com/aDP2d4236F
— 桃乃木かなマネージャー (@momonogikana_mg) January 25, 2023
跟住落嚟介紹嘅係兩位鐘意影AV女優睡姿嘅經理人，分別係三上悠亞嘅靚仔經理人かへみ，同埋T-Powers事務所嘅經理人えび，兩位經理人除咗都鐘意側拍女優嘅工作現場之外，對於偷拍女優嘅睡顏都相當有一手。喺女優瞓緊晏教嘅時候偷拍，唔知女優瞓醒嘅時候睇到會唔會發脾氣？
展示フロアーで普通にねる三上ぃ
ゆあをそっと包むよなミストレアスｨ
テイキンナップ、ウェイクミアップ
ファンがくれた、
やわらかいおぱんちゅうさぎ（※枕）#今日もゆあちゃん最高#今夜はブギーバックの最初のメロディで替え歌#すべった pic.twitter.com/iA30W7Q7kS
— かへみ@三上悠亜マネージャー (@yuamikami_mane) March 29, 2023
おこしてもおこしてもおきないおこしてもおこしてもねてるひなたまりん pic.twitter.com/3aUc8Y8uch
— マネージャーえび@ティーパワーズ (@mg_ebi_tp) January 31, 2023
唯美風、女友風、仲有偷拍風可能都比較常見，要走出平常嘅框框，喺一眾女優之中鶴立雞群，不妨諗下會唔會有啲咩特定嘅主題可以吸引大眾：DINO事務所就好鐘意同香水じゅん（香水純）影「真顏集」主題嘅相，簡單嚟講就係香水木口木面嘅表情，擺個V字手勢，喺唔同嘅景點同工作環境拍照留念。
靚就真係唔可以稱得上係靚，但喺別出心裁方面又相當成功，至少，你會記得香水有個咁嘅表情。
香水じゅん真顔集8
最近求めなくても真顔してくれるじゅん😐ちゃん@jun_kasui #香水じゅん#真顔集#オフショット#LOVE昭和#公開収録#イベント#お越しいただきありがとうございました#DINO pic.twitter.com/unNgj9UzhC
— DINO – ディノ／AVプロダクション (@DinoTkyo) August 28, 2023
最後就係8manpro事務所，喺上年嘅「どうした葵つかさ」（怎麼了葵司）系列，成個拍攝風格就係影低葵つかさ（葵司）喺寫真集拍攝期間嘅搞笑表情同神態，一直俾人有一種冰山美人感覺嘅佢，展露出傻氣同古怪嘅一面，對於一眾FANS嚟講相當新鮮。
どうした！？ 葵つかさ！！
虫が怖くないのか？ pic.twitter.com/mEXFpRgTf4— エイトマン【公式】15周年記念『8woman』が2023年に3部作の最終章へ… (@8manpro) October 14, 2020
呢一行嘅靚女特別多，而且而家已經唔再係簡單嘅只要你肯露就可以紅嘅時代，放上社交媒體嘅相要有gimmick同特色，先可以喺成功突圍，令FANS同路人對你嘅印象更加深刻；無論係搞笑風格定係賣露性感，只要能夠將女優最靚嘅一面，又或者最鮮為人知嘅一面展露出嚟，自然會有人受落。
唔知而家開始練影相，仲趕唔趕得切去事務所見工？
多謝你睇到嚟呢度，我地喺下一篇文章再見。
