Home Blog Angel Flight /エンジェルフライト 国際霊柩送還士

Angel Flight /エンジェルフライト 国際霊柩送還士

by spidey
1 minutes read

今次同大家分享呢套”18+”嘅日劇叫Angel Flight
18+就唔係官方設定,但當中有D屍體close up的確唔係好啱小朋友睇,敬請家長留意

主線故事係講主角們嘅職業就係會將國外遺體運送返日本,並做好屍體修復、儀容整理等服務,再運送去在身人士處所瞻仰遺容。
雖然只得6集,但集集感人、催淚。個人而言,只有第五集同最尾一集守得住淚腺。

每集基本上都係個別單元故事,交插住女主角米倉涼子同配角松本穂香各自的支線劇情。
如果有睇開日劇,一睇個班底就全部都粒粒皆星

脚本
古沢良太 x 香坂隆史
Legal high x Doctor X

所以一見到米倉涼子+ 海老名外科部長(遠藤憲一飾),你會有種好熟悉嘅感覺

doctorebina
而古沢良太個porfolio實在厚到講唔晒,legal high、信用欺詐師、相棒,等等等等
可以自己google

正當我諗緊一個咁喜劇嘅班底,去講一個同死亡嘅議題,會唔會好唔夾?喜得滯,無左果份感覺?會唔會好Dr X,都係果D套路?

但事實上係無。每集,同事間都可能有少少胡鬧,但每個故事都感人肺腑。
親人間嘅誤會,少年離家出走,客死異鄉
新婚夫婦,為口奔馳,分隔兩地,遭恐怖襲擊遇害,未能見自己的親生嬰兒
善良母親一生勞碌,子女孝順請其到韓國享受,其間病發身亡。
每個故事充滿人性,每位往生者留給在世人的最後信息,總是令人淚崩,再加上今次係遠藤浩二設計音樂,每個催淚位配樂一起,Emi Evan獨有的空靈聲音,每粒高音果種穿透力,果種感染力,真係會牽動到大家情緒。

每集D綠葉,都係大茄,全部都係好戲之人
喊戲唔會”多左”,唔係死命喊。。。
所以無論係劇本、演員、配樂,全部都無懈可擊。
非常建議大家去睇,或者可以係當中領略到一D覺悟
其實死亡,可以黎我地好近。

最後,特別係係呢到,我地想送上一個祝福比一個朋友,我地未必好實際幫到佢,只能做佢樹窿。
希望佢好似EP6咁,有個bucket list,陪佢長輩行埋最後一段路,唔好有遺憾,因為呢D機會都係得一次。

 

You may also like

Leave a Comment

此網站只適合二十一歲或以上人士進入,內容可能令人反感及驚嚇;不可將此區的內容派發、傳閱、出售、出租、交給或借予年齡未滿 21 歲的人士或將本網站內容向該人士出示、播放或放映。 LEGAL DISCLAIMER WARNING: THIS SITE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT,SHOWN, PLAYED OR PROJECTED TO A PERSON UNDER THE AGE OF 21 YEARS. 本人已滿 21 歲 ,above age of 21,同意進入 *本網站經由第三者於美國境內以不抵觸美國加州法例條文發放及儲存*
I am 21 or Older I am Under 21