幫大家補充返少少資料
片中提到既電影係
楚原叔嘅《愛奴》
牟敦芾嘅《打蛇》《黑太陽731》
真心，第一次認識楚原叔應該係《卡拉屋企》
跟住先係《真情》，果陣淨係覺得佢好慈祥，無諗過佢已經係大導演，係大個左之後先睇返佢D經典。
好認同高人同Sam先生
世界好似越黎越開放，但電影就愈嚟愈多政治正確/符合”尺所謂普世價值”嘅規範，越黎越多無形框架，不知不覺，好多影片套路都變得一模一樣，無特色。
《愛奴》係1972年上，已經有同性戀係元素係入面
你可以話佢地好前衛，但係咪真係1972年先有同性戀呢樣野？
至於去到《打蛇》，今時今日再睇返，女權主義好大機會會跳出黎講侮辱女性。但明明男士一樣被打蛇集團毒打同不人道對待。
電影係創意工業，每個導演都有佢自己想法，有D可能好唯美，有D就好純粹。
《打蛇》呢款我自己個人就覺得係反映時弊，如果《18樓C座》係家常便飯版，咁《打蛇》就係現實血淋淋版，佢只係反映左大家心入面都知道，而又唔敢講出口嘅事實而已。
下下政治道德正確，動輒口誅筆伐，所有創意工業都收皮
700萬人，有700萬種解讀，好正常，但和而不同先係永遠嘅真理。
