嚟到last兩間片商，今日我地嘅主角係FALENO。
FALENO主力：天使もえ、本鄉愛
今年4月就係FALENO創立嘅三週年，而呢間片商亦都用咗三年嘅時間話俾大家聽，佢地只係一間淨係識買人，而唔識拍片嘅片商。除咗大部份企劃都係了無新意之外，冇4K畫質、少VR片，呢啲都係FALENO跑輸其他大廠嘅主要原因。
3年過去，FALENO嘅主力除咗失去咗橋本ありな之外，可以叫做冇咩太大變化，都唔知開心好定唔開心好。FALENO嘅一姐天使もえ（天使萌），入行已經超過8年，我諗經歷過今年AV新法嘅風波之後，大家對於佢嘅作風同行徑都有一套自己嘅睇法。以我嚟睇如果佢仲想繼續享受呢個「大前輩」身份嘅話，佢只能夠繼續留喺FALENO，容許我再重複多一次，係只能夠留喺FALENO，因為佢已經冇其他片商可以去。
所以某程度上，我對於天使もえ跟著落嚟喺FALENO嘅發展係相對悲觀，一嚟佢年紀已經接近3字頭，越嚟越少本錢去同其他後輩競爭；二嚟就算佢有想改變嘅衝勁，FALENO都唔係一個適合佢嘅安棲同發揮嘅地方，變得進退兩難。
FALENO唔會唔要佢，因為連天使もえ都冇埋嘅話，FALENO真係不如執咗佢算數，但兩者嘅合作模式同交出嚟嘅作品質素會唔會喺23年有其他突破。到底會係喺FALENO風光大葬，定係含恨而終，嚟緊呢段時間將會係影響天使もえ最後呢幾年喺業界生涯嘅重要轉捩點，
希望23年天使もえ會有一個好嘅轉變，因為留俾佢嘅時間真係唔多了。
撇除天使もえ，FALENO仲有本鄉愛呢個親生女可以依賴，正所謂養兒防老，冇估到呢句說話連AV片商都可以用得上。本鄉愛最近Twitter突破100萬 Followers，比起橋本ありな、天使もえ呢兩位同片商嘅前輩更強。銷量上就係同21年差唔多，緊貼住天使大家姐，暫時都仲係FALENO嘅二當家。
雖然硬係覺得呢100萬嘅Twitter followers數目有啲鬼鬼地，但本鄉愛確實係有佢一啲吸引嘅地方，單係精通英文呢一樣已經大大增加佢接海外工作嘅機會，我覺得23年應該會開始喺海外成人活動見到一啲本鄉愛嘅身影，甚至如果FALENO識玩嘅，可以試下搵本鄉愛拍一啲瞄準歐美觀眾嘅日產AV，實現真正嘅向外輸出，應該會幾有趣。
FALENO新力軍：時田亞美、三葉ちはる
咁多間片商嘅新力軍，最難寫就係FALENO，22年去到年中先開始有返幾個新人，而且明顯只係攞嚟充撐下人數，實在好難判斷邊一個有機會上位。
先講耐少少嘅時田亞美，21年12月出道，啱啱好夠一年，特徵係一對大板牙同埋偏妹系嘅感覺，算係繼本鄉愛之後，FALENO第二個成功培育而且成功嘅親生女。
時田亞美嘅質素同條件就算放喺其他一二線片商都冇咩問題，妹系嘅風格亦都適合向海外發展，佢嘅事務所C-More應該會將佢擺喺海外大軍嘅其中一員，到時有機會會令更多AV FANS認識到佢。
點解講講下又係講咗去海外？因為FALENO喺國內嘅形勢真係冇嘢好講吖！
格硬揀多個新人俾大家，佢叫三葉ちはる(三葉千春)，係FALENO喺22年10月嘅新人，入行嘅時候24歲，算係比較遲，但出道後嘅幾套作品都令我幾有印象，拍出嚟嘅效果算係幾好。同上面時田亞美唔同，三葉行嘅係姐系風格，身材尚算唔錯，值得留意一下。
FALENO嘅情況就講到呢度，嚟緊23年FALENO會有田中レモン（田中檸檬）， 即係以前嘅楓カレン（楓花戀）嘅加入，對於個主力形勢可能會有影響，到時睇睇檸檬哥會唔會打算長玩落去，如果一切正常嘅話，咁23年嘅FALENO就應該會有啲新氣象喇。
聽晚最後一篇片商前瞻講埋SOD!
