連續幾晚睇嘅都係WILL集團嘅旗下片商，今晚我地睇睇Prestige，23年有邊啲女優值得留意呢？
Prestige主力：涼森れむ、八掛うみ、鈴村あいり
Prestige喺主力方面都冇咩大嘅變動，喺22年更加係確立咗涼森れむ（涼森玲夢） 嘅新一姐地位，已經成為咗Prestige嘅第一皇牌，地位甚至比鈴村更高。
回望返涼森19年4月出道嘅時候，相信冇人會估到佢會咁快就成為Prestige嘅招牌，短短3年多啲嘅時間，就已經帶領住其餘Prestige嘅專屬女優重新做返起沉寂嘅蚊香王國。我覺得佢比起鈴村優勝嘅一點係佢嘅積極性同主動性，同經常神隱嘅鈴村相反，涼森好肯去出event同露面，影迷同觀眾可以唔駛隔著個mon去感受到佢嘅透明感，比起鈴村嗰種神秘風格更加吸引。
而且涼森啱啱先夠25歲，大好青春之餘仲有好多貨賣，我個人睇好佢好大機會會喺Prestige留到引退，而且仲會成為Prestige其中一個傳奇女優。
至於遲涼森一年出道嘅另一位美少女八掛うみ（八掛海），一頭黑長直嘅瀑布秀髮，同埋纖瘦嘅身材都係佢嘅特徵。跟隨涼森其後，八掛喺22年都交出唔錯嘅好成績，成為Prestige嘅二姐，同涼森嗰種魅惑感唔同，八掛行嘅係皇道偶像路線加女友感覺，一臉稚氣嘅樣貌更加係令每個男人都有想好好保護佢嘅衝動，佢嘅人氣喺呢兩年都係以幾可級數上升，完全唔比涼森差。
但佢嘅纖瘦身材係優點同時亦係缺點，除咗胸前無半兩肉之外，太幼嘅手腳都令一啲唔鐘意幼齒類女優嘅觀眾難以下嚥，23年希望八掛可以稍為增下磅，我相信會有更多正面嘅評價。
至於鈴村あいり（鈴村愛里）嘅情況比較耐人尋味，喺22年有幾個月嘅空窗期，直到5月先正式回歸戰線，狀態有啲唔穩定，而且回歸之後嘅一頭短髮新造型我個人覺得有少少扣分，開始有種老態嘅感覺。
Prestige嘅一班𡃁妹經常埋堆一齊玩，更加顯得鈴村有種被孤立嘅感覺，13年出道嘅佢準備迎接出道十週年，隨時引退都唔會感到意外，但暫時仍然喺蚊香社入面有屬於佢嘅位置，銷量成績只係比涼森八掛差少少。正所謂薑係老嘅辣，鈴村踏入30歲之後會唔會有另一番新氣象，值得留意一下。
Prestige新力軍：七嶋舞、流川夕
兩位都係21年出道嘅準新人，啱啱出道咗一年多啲，開始要用職業女優嘅角度同標準嚟看待；先講七嶋舞，走辣妹系嘅路線，以香港網絡術語嚟講就係「MK」，分分鐘仲壞過凱婷，需要各位男士用肉棒好好調教一下。
以往Prestige間唔中都會見到呢種女優，早幾年嘅一姐園田みおん（園田美櫻）都有少少呢種感覺，當然七嶋舞冇佢咁火辣辣嘅身材，但小惡魔嘅感覺都吸引到唔少鐘意呢種百厭妹妹嘅影迷。趁而家仲可以襯得起件JK校服，我期待23年會有一啲佢同學校場景有關嘅新作出現。
另一位行女人味路線嘅準新人流川夕，身材比例相當好，但同七嶋舞比起嚟佢就比較適合一啲成熟風嘅打扮，同埋意外地適合cosplay造型，可以更加突顯到佢嘅身材曲線優勢。
Prestige喺新人方面都需要加把勁，22年只有2位新人加入，而且都冇咩話題性，雖然暫時人手都仲好充俗，亦都冇斷層嘅問題，但有新人嘅加入先至能夠確保片商嘅長久運作，希望Prestige喺今年新人方面會有好消息。
Prestige嘅專屬女優仲有一個共通點，就係全部都係瘦底，除咗河合あすな(河合明日菜)比較漲一啲之外，其餘全部望落都好似冇飽飯食咁，2023年睇嚟要關注下Prestige有冇剋扣旗下女優啲伙食。
聽晚同大家睇睇FALENO，喺23年仲有冇生存嘅空間。
