最近Miss WoW （性治療師及性教育工作者）邀請我同HKSP創辦人Mary Gor 作客出席社工系學生既課堂，分享我地既理念、性生涯規劃、活動實況。
收到邀請又驚又喜，喜於我可以借此機會宣揚自己既理念，#打一個有內涵嘅飛機 #做一場平等嘅愛，又可以再次訓練自己面對公眾，驚於畢竟話題敏感，希望表達自己所想又能顧及其他人感受，談吐方式既要平和又舒適，又要為自己安全（包括身份及心理）作D準備。
當日同學生有問有答，雙方有正面火花，係一次好好既交流
Miss WoW 提問：
#打一個有內涵嘅飛機 #做一場平等嘅愛 係咩意思？
打飛機，係呢到意思無分性/別。係自慰既意思。往往打飛機比人一個負面形象，例如笑人自我安慰都會用「打飛機」形容。而打飛機又好似帶一份無奈寂寞，女仔自慰又好似有D羞恥感。
我想講打飛機都係好有內涵，有意思，自我歡愉既獨樂樂，即係Me Time。
#做一場平等嘅愛 男人做愛一般認為佔上風，賺左，女人係蝕底，做得多玩得多，男人就係威，女人就係臭雞。大家係平等，我知好多野都未係平等，但係做住先啦。
同學表達：
而家好多Porn都描述到多P好淫亂，好似強姦，好狂野
我覺得首先，消費者鐘意睇咩，片商就會拍咩。而做愛/多人運動係唔係只有呢個形象呢？仲有好多情節，氣氛，片商無拍到出黎。
而我，雖然M向劇情我都鐘意，但太過欺負任何一個性別既題材，我都開始避免拍，唔想鼓吹呢個風氣，而且題材眾多，溫暖好玩既仲有好多。
同學討論：
我會唔會同將來男朋友/老公講呀？
而點解有呢個問題先？即係驚佢介意？唔講就好似呃左佢？男仔又洗唔洗講呢？
我一定會講，因為呢個係我既生活同興趣，我希望我Partner 都支持我玩，好似一個人喜歡行山，大家都會想同伴侶一齊去，或者伴侶支持你去。兼且我無信心可以呃到人一世，或因為一個人而放棄我呢個興趣。
Miss WoW 提問：
係活動中你地係唔係唔知大家咩身份？
Mary答：一來我地等大家有個保密既空間去黎玩，亦都避免其他手尾麻煩，同埋大家唔知現實咩身份， 坦蕩蕩憑實力，例如我地有D會員，本身身份係比較有錢，佢識既女仔/朋友唔多唔少都會睇埋佢身份，但係HKSP，佢就真係憑實力去同大家交流。
成個過程差唔多一個鐘，希望能帶D衝擊比同學，亦都令我有反思，點樣我先唔嘩眾取寵去講到我想講既野，即係Miss WoW 口中既是性也不是性。
最後，Miss WoW講到，我同HKSP無必要出書，無必要行出黎，繼續低調地自娛都得嫁。無錯，但我想更多人享受到與生俱來既性歡愉，香港有香港既AV，大家#打一個有內涵嘅飛機 #做一場平等嘅愛。HKSP繼續推廣正面成人文化，擴大版塊，提高透明度、知識、尊重、共識、將心比心，心思熟慮地做每個決定
Macy
