Home Blog 2022年AV業界大事回顧(下)

2022年AV業界大事回顧(下)

by 新東寶翻譯製作
4 minutes read
(接上一篇文章內容)

7. Twitter亂ban女優

喺今年嘅4月6號,陸陸續續出現一啲AV女優Twitter被ban嘅情況,而且有部分事務所嘅account都遭殃,毫無原因之下被涷結。

初時大家仲喺度估會唔會又係有人食飽飯冇嘢做,亂咁投訴啲女優Twitter暴露同色情,又或者係一兩間事務所攻擊同行嘅技倆,點知後來情況越嚟越嚴重,被ban嘅女優數量越嚟越多,而且除咗AV女優呢個身份之外,搵唔到任何關聯性,更加令今次嘅ban人事件來源難以追查。

uHSPsd6

(T-Powers事務所嘅Twitter足足雪咗兩個月先開得返)

面對呢個情況,有啲女優就選擇暫時先開一個新嘅acc,以維持曝光度同宣傳作品;亦有部分女優選擇轉戰Instagram,雖然唔可以好似Twitter咁貼作品封面,但總好過要由零開始。

除此之外,女優同事務所都呼籲FANS幫手,向Twitter官方申訴今次無辜被ban嘅情況,試下可唔可以盡早解封,只係成功嘅例子都係寥寥可數。


FheyjKmaUAAQ62H

(俾Twitter softban到今時今日嘅小花のん)

嚟到接近年尾嘅今日,依然有部分女優嘅Twitter仍然未解封,又或者係處於一個softban(即係唔會顯示喺follower嘅動態度,要專登人手㩒入去睇先睇到)嘅狀態,女優同事務所都只能夠表示無奈,畢竟Twitter暫時都仲係尺度最大,而且最多人用嘅社交媒體之一,冇咗Twitter嘅幫手,又或者要由頭開始儲返啲FANS返嚟,實在唔係一件容易嘅事。

希望Elon Musk快啲重整Twitter個架構,然後解封返啲無辜人士啦。


8. FANZA封鎖海外IP,R18.com關閉

雖然對於我地海外FANS嚟講係大事,但對於日本人嚟講應該係小事,講緊嘅係FANZA官網喺今年年中宣布封鎖海外IP,有一半以上嘅售賣頁面已經唔能夠喺日本以外地區直接瀏覽,需要使用VPN呢啲「跨牆」工具先至可以入去睇到同購買,完全封殺海外FANS買片嘅渠道。

JYQQWbX

(今年5月FANZA宣布唔再接受海外信用卡)

b1gQbLv

(9月就宣布海外地區唔能夠再使用通販服務)

另外,有唔少海外影迷一直都有用開嘅R18.com,都喺年中嘅時候宣布即將關閉,而且購買咗嘅作品喺網站關閉之後就唔能夠繼續閱覽,一班真金白銀買咗片嘅消費者欲哭無淚。R18.com亦都冇提供過渡嘅選項俾用家,好多用咗R18.com好多年嘅用家只能夠白白睇著啲作品消失。

到底係FANZA官方對海外市場已經冇哂興趣,定好似傳聞所講係因為有太多假嘅海外信用卡泛濫,導致佢地決定一刀切唔再做海外市場生意,暫時都未有一個確實嘅答案。而家嘅情況有啲奇怪,FANZA同片商唔想做海外生意,但事務所同女優都好想做多啲海外生意,兩者之間出現咗方向上嘅矛盾,到底2023年會點樣發展,都係一個值得留意嘅地方。

kLssdZS


9. AV女優NFT元宇宙,仲有冇得諗?

由2021年開始,不斷出現好多AV女優同唔同NFT產品公司合作嘅企劃,但大多數都係有頭冇尾,出咗第一轉之後就冇咗下文,對於女優同事務所嚟講,都難以將NFT作為一個「可靠」嘅持續收入。

嚟到2022年,明顯見到同AV業界相關嘅NFT企劃越嚟越少,一嚟因為元宇宙市場開始爆煲,二嚟事務所都睇到NFT市場冇想像中咁大嘅吸金力,三嚟無論係NFT公司又好,事務所又好,對於彼此產品嘅了解都唔深,導致成個市場難以維持。

mGUNYsa

(三上悠亞喺2021年搞嘅NFT,噱頭係落標最高價錢嘅人可以同佢食餐晚飯。)

小弟唔係金融科技界人士,唔識預測NFT同元宇宙仲有冇翻身嘅可能,又或者未來會唔會出現另一種同NFT類似嘅產品,但如果NFT公司同事務所都有意喺呢方面發展嘅話,希望可以對彼此市場再了解多一啲再開始,就算想cap水,都麻煩俾啲誠意。


10. AV OPEN大賞重出江湖,2023年台灣成人展

今年3月,AV業界其中一個頒獎典禮「スカパー!アダルト放送大賞」(SKY TV放送大賞)闊別一年再次舉辦,呢個亦都係3年疫情以嚟第一個再次開辦嘅AV頒獎典禮。

喺獎項方面,SKY TV放送大賞一改以前嘅「女優賞、新人女優賞、熟女女優賞」三個獎項,改為「MVA(Most Valuable Actress)、MIA(Most Intelligent Actress)、MTA(Most Technical Actress)」,三個睇完個名都唔知即係選緊咩嘅大獎,最後由本鄉愛成為當晚嘅大贏家,奪得MVA同MTA兩個大獎。

jF9qK8P

(左:伊東める、右:本郷愛)

除咗SKY TV大賞之外,另外兩個業界頒獎典禮,包括FANZA成人大賞,以及AV OPEN,暫時都冇任何宣布會再舉辦嘅消息,而當中大家最關注嘅就係FANZA成人大賞,除咗入選陣容比較華麗之外,由FANZA官方舉辦嘅認受性同接受性,都比另外兩個頒獎禮嚟得高。

但以我嚟睇,FANZA成人大賞再舉辦嘅可能性大概只有一半一半,唔再舉辦嘅原因除咗係成本問題之外,點樣確保當選嘅女優能夠履行宣傳業界嘅職務,都係FANZA要考慮嘅因素之一;而如果再舉辦嘅話,除咗有象徵業界再次出發嘅意義之外,仲可以加入其他元素,加強FANS同影迷嘅參與度,又或者好似SKY TV大賞咁加入其他更有意思嘅獎項,都可以為業界增添話題同討論性。

特別係而家越嚟越多女優向海外發展,連續兩年嘅賽果都證實海外FANS嘅投票能力不容忽視,如果AV業界有意向海外埋手嘅話,以FANZA成人大賞作為第一步,可能係一個唔錯嘅開頭。

OYSowPB


另外喺近少少嘅台灣,已經確定會再舉辦2023年嘅台灣成人展,自從日本唔再舉辦自己嘅成人展之後,台灣嘅成人展就成為亞洲區最受注目嘅日本AV業界盛事之一。原定喺2020年會嚟嘅女優,包括桜空もも、天海つばさ等等,暫時都仲喺2023年嘅名單之中,令到呢個成人展嘅女優陣容一年比一年強大。

不過台灣喺入境方面,暫時都未對中港澳人士正式全面開放。8月舉辦嘅時候,香港人能唔能夠無阻礙咁入境仲係未知之數,需要留意住情況。至於玩法上,例如仲會唔會仲需要排金卡,又或者因為疫情仲未正式完結,女優同事務所會唔會喺接觸會面嘅時候有特別要求,就需要等詳情公佈。

wHBsYuX

日本喺今年10月就已經正式對外開關,唔少香港人都已經飛咗過去一解鄉愁,雖然語言不通係一個大障礙,但我都係建議大家有能力嘅話,都係以日本嘅event為優先選擇,會係最原汁原味嘅女優見面體驗;至於台灣成人展,我覺得但去無妨,但唔好抱太大嘅期望,用一個志在參與,見識下大場面嘅心態去朝聖就已經相當足夠。

tAeaWhc


嚟到呢度總結一下小弟今年做過嘅嘢啦,今年我會形容係超額完成嘅一年。

首先今年開咗個人專欄,一個月寫兩篇同AV相關嘅文,係我嘅一個新挑戰,每個月去到咁上下時間就要諗「今個月寫咩好呢」、「寫呢啲有冇人有興趣睇呢」、「其實呢個topic自己有幾熟呢」等等嘅問題。

無驚無險,今年呢個處女下海嘅專欄喺冇甩過稿、冇寫重複嘅題材、冇做標題黨、九成都係講原創內容嘅情況下,順利過渡咗第一年。雖然睇嘅人唔多,但對於我嚟講睇住呢廿幾三十篇文,除咗紀錄住業界嘅一少段華人筆跡之外,仲係我嘅一個個人作品紀錄。睇住呢堆文我好有滿足感,因為每一粒字都係我嘔心瀝血寫出嚟,係我嘅一個成就,亦係香港人喺日本AV業界嘅一個印記。

喺呢度我想多謝HKSP俾呢個機會我,喺佢地網站寫專欄,呢一年以嚟佢地都冇俾過任何規限同壓力我,我想寫啲咩,幾時交稿,佢地都冇過問,呢一度我想多謝佢地嘅信任同支持。冇呢個專欄帶嚟嘅責任感同使命感,今年我應該冇咁勤力,寫咁多嘢俾大家。但容許我重申多一次,小弟喺佢地度淨係寫專欄嘅啫,佢地內部點樣運作我係完全唔知,有疑問嘅請你問返佢地。

photo6332573466137570460 2
HKSP專欄:https://hksecretparty.com/category/blog/3378/


除咗專欄,今年仲有幾樣嘢我係做得好開心同滿足,首先係3月搞咗AV達人挑戰,有超過16000位朋友入嚟玩過,遠遠超出我同一齊整呢個挑戰嘅組長巴打嘅預期。下一年有時間嘅,我會再整一個同大家玩,到時歡迎再嚟挑戰。

(跟風)日本AV達人挑戰
https://lih.kg/2944181

跟著喺10月寫咗一篇開關之後嘅日本遊記,承蒙大家嘅厚愛,上咗差唔多成個禮拜熱門、上埋01同星島,真係好感激大家唔嫌棄小弟寫嘢。2023年希望可以繼續有呢啲精彩遊記帶到俾大家。

(長文多圖遊記)日本開關第二日,我飛去見咗6個AV女優。
https://lih.kg/3194274

另外今年每月一篇嘅AV女優訪問翻譯,除咗令到我了解多咗業界同女優嘅故事之外,仲係我喺日文讀寫講呢三方面進步嘅一個推動力,不過下年開始會儘量揾啲短啲嘅嚟做,做一篇真係好花時間。

(AV女優訪問翻譯) 夢乃あいか(夢乃愛華)發行第100套作品 達成紀念訪問
https://suntungbo.blogspot.com/2022/01/av-100.html


今年就咁樣結束喇,業界又好、女優又好、我本人又好,今年都係有好多轉變嘅一年;有時會喺度諗,自己想喺呢一個崗位,呢一個行業入面做到點樣先至叫做去到終點,之後發現我根本冇一個終點可以參考。既然諗唔到咁就繼續做啦,中二病啲講一句,或者會睇到一啲意想不到嘅景色。

不過嚟緊我都會調整返個節奏,今年嘅工作量真係到咗自己嘅極限。所以喺2023年,新東寶想懶啲,但質素會努力keep住,繼續帶多啲AV資訊同故仔俾大家。我仲記得我個AV女優同學會故仔第二季㗎,差一個chapter就寫哂,希望快啲送到俾大家,我保證精彩,睇完扯唔起嘅返嚟揾我。

(AV 幻想劇) 集合啦!女優同學會! 第一季
https://suntungbo.blogspot.com/2021/02/av.html

Eyg8T2XUUAApwHB

放低張葵司喺度,再一次喺度多謝大家今年嘅支持!各位日本AV同好,下一年繼續還望大家多多指教。

You may also like

Leave a Comment

此網站只適合二十一歲或以上人士進入,內容可能令人反感及驚嚇;不可將此區的內容派發、傳閱、出售、出租、交給或借予年齡未滿 21 歲的人士或將本網站內容向該人士出示、播放或放映。 LEGAL DISCLAIMER WARNING: THIS SITE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT,SHOWN, PLAYED OR PROJECTED TO A PERSON UNDER THE AGE OF 21 YEARS. 本人已滿 21 歲 ,above age of 21,同意進入 *本網站經由第三者於美國境內以不抵觸美國加州法例條文發放及儲存*
I am 21 or Older I am Under 21