先前有人問古生會唔會係英國上呢套，佢就話會有其他plan
隔左無耐就宣佈呢套netflix有得播
終於日前啟播，好多海外香港人睇完都好多評價
都幾兩極，支持派就係支持香港電影，屌屌派就係話所有水平都低，叫佢地拍返警匪片算
咁睇左兩次既我，又係到分享下自high既睇法
我覺得當中有句台詞係少尷，但講得幾好，都幾萬用key，特別係職場
「你盡左力做，但唔等於你會做得好。」
個人覺得古生係有專登加呢句野黎自嘲一下自己搞香港第一套既科幻片。
唔係盡力做，就代表做得好
好多人，就係係呢到停左
但故事繼續發展就係，黑仔比古生串完，屌鳩完，Mean完，佢都繼續做，做得唔好都盡力做，到最後就係摸到點樣做得好，又做得到。
認真mode，個人覺得同認同好多台詞都係尷尬，好港式警匪片味，好hard sell一D兄弟情親情係入邊。
同未來世界有一定違和感
但睇返D CG，我又唔覺得真係咁差，大boss就得一隻，中boss兩隻，小怪兩款
最主要都係小怪係醫院追逐，個theme有D 似biohazard 係醫院同獵食者玩遊戲
中boss就係公路同市區玩armored core
應該有既野，都有。故事直線跳躍式發展。
同意有好多進步空間，但又未至於話就算睇CG都係垃圾，更加唔會建議佢地拍返警匪片😂😂😂
先唔好講香港人笑返香港人，就算外國人都笑古生，又點呢？
有一先有二
啱呀，佢地係好努力做，唔等於做得好
香港好多野已經慢人好多拍，難得有傻人做傻事，我地都希望多D人支持下，唔係盲撐mode咩都好好好，而係支持得黎都留言比佢地，想有完整故事線？想對白唔好咁local？想人物交代清晰D？想CG再做好D？
而唔係D old seafood theory，拍返D舊野，繼續懷緬過去。
完
