Home Blog 新東寶日本遊記 Event ⑥ : 因為有葵司,先會有今日嘅新東寶

新東寶日本遊記 Event ⑥ : 因為有葵司,先會有今日嘅新東寶

by 新東寶翻譯製作
8 minutes read

成日有朋友問我:「喂你睇咁多AV,最鐘意係邊個女優?」
我每次都係答:「一定係葵司,同埋飛鳥鈴。」

我成日覺得,女優本人嘅性格同FANS嘅性格某程度上一定有啲相似嘅地方,先至可以互相吸引到;簡單嚟講就係AV女優同FANS之間,多少都係有啲臭味相投嘅感覺喺度。

葵司自從松本潤事件之後,一直都行低調路線,但佢又唔會完全消失,只係冇咁活躍,間唔中上下水,一年得1-2個活動;唔會點宣傳自己啲作品,喺屋企撚下貓種下嘢又一日,過著啲悠閒自在嘅生活。

呢一種性格同生活方式,湊巧地都係我呢幾年嘅生活同工作模式,新東寶喺成人台寫嘅嘢又好,出面寫嘅專欄都好,都好少主動去大肆宣傳,但維持適當嘅曝光係需要嘅,唔係嘅話做嚟冇咩意思,呢一啲都係我覺得我同葵司相似嘅地方#:)#cow

又或者,係我喺不知不覺間,俾呢個AV女優影響咗都唔自覺。

由橫濱返到上野,返上酒店擺低啱啱買嘅會場限定版1/100 RX78-2模型,照一照鏡個樣都仲見得下人,我開始落筆寫封信俾呢個女人。

「葵司小姐:

最近幾好嗎?

對於我嚟講,今次時隔2年半再嚟嘅日本之旅,最重要就係可以再一次見到你,參加你嘅活動。
雖然我知道,對於你嚟講要記著每一個FANS係一件好困難嘅事,但我好想話俾你知,你係我呢一生人入面最重要嘅女優。係真架,你改變咗我嘅人生。
我會永遠,永遠支持你。

今日嘅event多謝你!辛苦你了!

新東寶」

返到尋日先嚟過嘅書泉,排返同一條隊,只係今次嘅感覺同尋日完全唔同,我好緊張、期待、不安。

今次係一個calender嘅event,即係都係買嘢,只係變咗買calender,最多可以買5 set,5 set就包20秒攝影時間,同埋3張即影即有嘅合照,再加一件你帶俾佢簽嘅嘢嘅簽名。

某程度上係我今次嚟嘅呢6個event入面俾錢俾得最多(29,700羊),但福利差唔多係最少嘅一個#sad#cow20秒影相眨下眼就完,3張合照係抵嘅,不過我寧願兩張合照換多40秒時間俾我影相仲好#sad#cow

去到會場,同3年冇見嘅葵司日本FANS K叔叔再次見返面,大家都老咗,不過猶幸鐘意嘅嘢同目標都仲係一樣。我好開心因為葵司我識到好多喺香港、台灣、日本嘅新朋友,去到好多我冇諗過會去嘅地方,為自己留低咗好多一世難忘嘅回憶。

排隊準備入會場,沿途都係同K叔叔以及另一位葵司日本FANS吹下水,葵司啲FANS某程度上可以話有啲隱世,平時喺twitter唔會點浦頭,上得水多數都係有啲緊要事,好似出新寫真集,又或者好似今次有event咁#sad#cow有種一支穿雲箭,千軍萬馬來相見嘅感覺。


(同場順便宣傳一下嚟緊葵司間事務所搞嘅寫真展)

說時遲那時快,排我前面嘅K叔叔入去同葵司都玩到差唔多到尾聲,跟著就到我。

我深吸咗一口氣,入去見葵司。

「好耐冇見喇#sorry#cow我係香港嚟嘅FANS#sorry#cow」(因為冇expect佢記得我,所以冇提到我個名)
「哦!你好你好:)!」
「跟著落嚟嘅攝影時間就麻煩你了!」

喺我鏡頭下嘅葵司,永遠都係最靚嘅女人。




最鐘意係呢兩張:


20秒影完就到合照時間,今場可以將2人合照改成單人相,即係我可以指定葵司擺一個pose,工作人員會幫我影一張即影即有相,我有一個以前同飛鳥鈴經常影嘅pose:

我show呢一張相俾葵司睇,佢即刻就話:

「哦!係阿鈴嚟!
哦!!!我認得你喇!你係嗰個香港FANS!追我同追飛鳥鈴嗰個!」

去到呢一刻我先知道,我鐘意呢個女人差唔多5年,原來就係等緊佢呢句說話。


(另外兩張合照都係例牌嗰兩個pose)

「你…你認得我?」我咁樣問佢。
「係吖,我認得你,不過你叫…你叫…」佢真係督著個頭諗緊。
「新東寶!我叫新東寶!」
「吖係喇!新東寶!我記得你喇!」
「好開心!你真係記得我!」

我相信我開心到嗌出嚟嘅程度,係成層書泉9樓都聽到我嗌,可能咁樣講好傻,但我真心覺得嚟到呢一刻,我呢個日本trip前置啲準備有幾難,幾攰幾辛苦都好,真係全部都值得。

簽名嘅時候,我拎咗一件我一個月之前喺S1嘅campaign活動入面抽中咗嘅S1 T-Shirt俾佢簽,當然佢都係無任歡迎。

呢一件亦係我追佢咁多年以嚟,第一件佢簽我個名落去嘅物品。

今次呢程trip,可以趕得切嚟到佢嘅event,實在太好了。

嚟到傾計環節:

「今次係我兩年半以嚟嘅日本旅行,最重要嘅活動就係嚟見你#sorry#cow
「真係嘅!?好開心:)
「上一次見到你本人已經係2019 FANZA頒獎禮嘅時候了。」
「咁耐嗱,真係好耐以前了。」
「跟著落嚟,我會一直繼續支持你#sosad#cow
「好吖,多謝你!」

工作人員開始企埋嚟,我都唔好意思再企太耐,目送完佢講Bye Bye,我就轉身執嘢走。

出到去會場外,葵司嘅事務所社長拎著張單張,出嚟同我講:

「嚟緊…11月我地有寫真展,有時間嘅可以嚟睇下。」
「吖…唔好意思,我係香港過嚟,未必可以…」
「吖係喎,你係香港過嚟架喎…」
「你係社長吖可,我係葵司同飛鳥鈴嘅海外FANS,一直以嚟辛苦你了#sorry#cow要經營一間AV女優事務所真係唔容易。」
「唔會唔會…多謝你支持就真,我有follow你Twitter,多謝你一直以嚟咁支持我地事務所嘅女優。」

咪住…?事務所社長認得我?
乜事務所個Twitter,唔係通常都係俾啲小職員管理就算嘅咩?社長親自落場睇?

跟著我同社長都係辛苦哂 + 多謝你 互相N連發,之後就同K叔叔落返秋葉原街頭。

K叔叔本身想話一齊食飯,但我咁啱約咗個嚟咗日本半工讀嘅朋友聚餐,唔好意思之下都唯有推卻咗佢嘅好意,佢都話唔緊要,來日方長,一定仲有機會#hello#tiger

於是,喺秋葉原嘅街頭我地就此分別#bye#tiger我懷著仲係好興奮嘅心情,走咗入去AV碟鋪,一口氣買咗30000羊AV碟。
當然唔少得,一定要有一隻葵司嘅新作。


SSIS-525 こんな美尻とセックスしたい 美しきお姉さんの麗しのビューティフルヒップMANIAX 葵つかさ


(BEST HIT好抵買,每隻都係14XX羊。咁多就唔俾番號喇#sad#cow真係搵唔到先留言問我啦#sad#cow


(右上角兩隻涼森,就係早兩日愛宝すず嗰時買唔到飛,喺隔離貨架見到跟碟嗰張即影即有相幾靚,所以買埋返嚟,係涼森嘅長髮造型同萬聖節小惡魔cosplay,冇錯其實係衝動性消費嚟)

最後成程trip,連埋event要買嘅碟,一共買咗50隻AV,另外再加4本寫真集、6本掛牆年曆、6本座枱年曆,回程行李要買夠30KG先夠用#sad#cow

thumbnail?u=https%3A%2F%2Fimg.eservice hk.net%2Fupload%2F2022%2F10%2F25%2F225814 166905c964e9f3a1555bb1cb7f0c4e6b
(今次亦都係我第一次覺得買咁多真係會俾海關check嘅程度)


(Miru同相澤南嘅簽名版寫真集,仲有一本寫真集係幫朋友買的,唔方便擺出嚟)


(成個trip買到同得到嘅即影即有相,合照就唔擺出嚟了)

嚟到呢度,成個旅程都接近尾聲,呢一篇水蛇春咁長嘅遊記都準備告一段落#bye#cow

今次係一次非常滿足嘅旅行(自費公幹#sad#cow)

能夠趕得切喺一年得一次活動嘅葵司搞event嘅時候開關,再加埋Yen平,自己呢兩年日文又進步咗好多#bye#cow今次係就係機票貴咗啲#money#tiger不過成程trip真係好開心#like#tiger

希望大家嚟緊出發過去嘅時候唔駛再有任何阻隔同多餘嘅程序,同女優做到真正零接觸#like2#tiger

感謝你睇到最後,呢個weekend同大家玩得好開心,我地喺成人台再見#hello#tiger

You may also like

Leave a Comment

此網站只適合二十一歲或以上人士進入,內容可能令人反感及驚嚇;不可將此區的內容派發、傳閱、出售、出租、交給或借予年齡未滿 21 歲的人士或將本網站內容向該人士出示、播放或放映。 LEGAL DISCLAIMER WARNING: THIS SITE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT,SHOWN, PLAYED OR PROJECTED TO A PERSON UNDER THE AGE OF 21 YEARS. 本人已滿 21 歲 ,above age of 21,同意進入 *本網站經由第三者於美國境內以不抵觸美國加州法例條文發放及儲存*
I am 21 or Older I am Under 21