Home Blog 新東寶日本遊記 Event ⑤ : 第一次橫濱之行,和久井美兔 & 1:1 高達。

新東寶日本遊記 Event ⑤ : 第一次橫濱之行,和久井美兔 & 1:1 高達。

by 新東寶翻譯製作
9 minutes read

前一晚嘅楓富愛event俾我嘅衝擊有啲大,第二日個腦都仲係有啲唔太清醒,旅程已經嚟到第5日,開始倒數返香港嘅日子,呢一程trip最後兩場event都會喺今日搞掂哂。首先,我一早要落去橫濱#bicycle#cow

過去幾年嚟日本都未去過橫濱,一直都冇搵到時間同原因落去,今次有一個大誘因,就係橫濱而家有一部1:1咁大部仲識郁嘅元祖RX78-2 高達,本來今年年中就拆,後來因為疫情嘅關係,而家暫定會擺到2023年3月31號#cheerleading#mouse今日嘅行程去到6點我先至要返嚟秋葉原去event,正好有半日時間可以落去睇高達。

當然,一場落到去橫濱我都唔會放過有得去見下AV女優嘅機會,即刻上網睇下當日喺橫濱有咩event,撞啱有一場我有少少興趣,佢係同涼森一樣都係Prestige嘅專屬女優,叫做和久井美兔。

thumbnail?u=https%3A%2F%2Fpbs.twimg
BGN-071 新人 プレステージ専属デビュー 和久井美兎

今年2月出道嘅一位新人,特點係佢係一位現役嘅職業看護師,即係護士#treat#dog呢啲設定上嘅嘢信不信由你#stop#dog

於是,為咗見護士,為咗睇高達,我人生第一次嚟到橫濱。



由火車站入面出嚟,望落條街就冇咩特別嘅建築,一個普普通通嘅商業區嘅感覺。向AV碟鋪嘅方向前進,今次event場地係一間3層高嘅碟鋪,比起秋葉原嘅店鋪闊落,裝潢就大同小異。

今次呢場event內容同早幾日涼森event嘅內容基本上一模一樣,最大分別在於涼森冇限人數,而和久井呢邊有限50人,之但係我去到event當日都仲買到飛,人氣程度可想而知#:)#cow

橫濱有兩間AV碟鋪,有一間係出哂名入面啲碟非常多特典,例如跟即影即有相同埋劇照嘅A4 size相,今次一場落到嚟都搵到啲唔錯嘅作品。

和久井個event要買3隻碟,第1隻碟就要買和久井美兔嘅指定作品,第2同第3隻就買Prestige嘅任何作品都可以,最後我揀咗一隻八掛うみ(八掛海)同愛音まりあ(愛音麻利亞)嘅作品,湊夠三隻去埋單#money#tiger


(送嘅即影即有相係呢3張,難得地見到愛音有修女嘅Cosplay,同埋有得睇下八掛對長腿。)

另外仲執咗幾隻又係有連即影即有相嘅DVD,基本上係買即影即有相送碟:



(好可愛嘅狗仔青空光,同埋呢排幾鐘意嘅小倉七海同八木奈奈。)

鋪頭有一啲好耐冇見過嘅掛布,例如好似呢一幅咁:

隔離仲有當年三上悠亞同高橋聖子幫MUTEKI拍共演作嘅宣傳掛布:


(印象中呢套係唔好睇的)

和久井美兔嘅event,簡單嚟講就係沒有期望就沒有失望,同我預計嘅差唔多,真人膚色比較偏黑,不過好似都有唔少日本人幾buy呢種小麥色嘅膚色。

身材都冇咩特別,日本妹version嘅五短身材。




合照就係咁樣普普通通:

雖然女優本人一般般,但氹下啲妹妹仔開心,小弟啲日文都仲OK嘅:)

「你好你好,初次見面#sorry#cow我係香港嚟嘅,我叫新東寶#sorry#cow
「吓~~香港,今日多謝你嚟:)
「今次都係我第一次嚟橫濱,我第一次嚟橫濱嘅event就係嚟搵和久井小姐你#:)#cow
「真係嘅!?好開心吖#love#
「新人要加油努力,我會支持你的#:)#cow
「好吖好吖多謝你:)

新人要加油努力呢句我真係發自內心嘅,畢竟而家啲新人鬥爭好激烈;同埋第一次嚟橫濱就係嚟見佢都係真嘅,咁樣計落其實我又冇講到大話#cigar#cow

有時去event又唔駛諗咁多嘅,總之喺個過程入面你又開心,個女優又開心,咁咪雙贏囉#:)#cow

之後就起行落去橫濱港未來睇高達,搭市內地鐵幾個站就到,一直向海邊方向行,嚟遠就已經見到個碼頭入面有舊白藍色嘅物體。

越行得近,部高達俾我嘅感覺就越震撼。


1600羊嘅入場門票,額外俾多3300羊可以上埋去部高達隔離個觀景台度,因為我覺得喺下面影會比較好,同埋嚟緊有機會會再同屋企人過嚟睇,所以今次只係買咗門票入場睇就算。

呢一部RX78-2主打係佢6層樓高嘅大size,同埋識得做啲基本動作,好似踏前兩步、跪低、同埋舉手指,每一個小時入面都會有唔同嘅表演項目,入場嘅時候可以去佢個時間表度望下。

我睇咗3個表演,能夠近距離望到一部6層樓高嘅高達,做一啲你以前諗都冇諗過現實中真係做到嘅動作,有一種感動嘅感覺;部高達郁嘅時候我當然有拎著部手機拍片,不過機有機拍,我個人對眼冇離開過部高達,一定要親眼睇著嗰種感動同震撼,先會有嗰種不枉此生嘅感覺。




部高達最後停咗喺一個舉起右手手指嘅動作,時間嚟到黃昏,我捉緊日落嘅夕陽,捕足到高達同日落嘅美好timing。

各位鐘意高達嘅朋友,呢個景點一定要嚟親眼見證。

 

時間嚟到差唔多4點幾,我收到好耐冇見嘅一位日本叔叔sd俾我嘅msg,佢同我講佢到咗秋葉原,一陣喺會場見。

係時候起行了,我今次日本之旅,真係為咗呢個女人先嚟。

今次旅行遊記嘅最終回,今晚送上:)

未完待續

You may also like

Leave a Comment

此網站只適合二十一歲或以上人士進入,內容可能令人反感及驚嚇;不可將此區的內容派發、傳閱、出售、出租、交給或借予年齡未滿 21 歲的人士或將本網站內容向該人士出示、播放或放映。 LEGAL DISCLAIMER WARNING: THIS SITE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT,SHOWN, PLAYED OR PROJECTED TO A PERSON UNDER THE AGE OF 21 YEARS. 本人已滿 21 歲 ,above age of 21,同意進入 *本網站經由第三者於美國境內以不抵觸美國加州法例條文發放及儲存*
I am 21 or Older I am Under 21