Home Blog (長文多圖遊記)日本開關第二日,我飛去見咗6個AV女優 (Intro)

(長文多圖遊記)日本開關第二日,我飛去見咗6個AV女優 (Intro)

by 新東寶翻譯製作
13 minutes read

2022年10月11號,對於鐘意遊日嘅香港人嚟講係一個大日子,日本正式取消每日入境旅客上限,個人旅行免簽證,意味著闊別兩年幾嘅外地遊客日本自由行正式回歸,日本終於都正式「開關」。
同時,香港政府宣布解除部分香港居民外地回港限制,除咗實行「0+3」之外,亦都取消咗需要打針先至可以回港嘅政策,對於一直堅持零針嘅少部份香港人嚟講,算係呢兩年嚟少有嘅好消息。

喺疫情之前嗰兩年,小弟一直都有間唔中飛過去日本參加AV女優嘅見面會同攝影會event,以前都有寫過相關嘅遊記,簡單嚟講就係隔著個mon睇AV,同喺日本見到女優真人,係兩個截然不同嘅感受,再加上呢兩年嚟日文水平比起以前好咗唔少,所以一直都期望緊日本開關之日嘅來臨,好想再去日本參加AV女優嘅event。

喺呢一個6日5夜嘅旅行,有3日我都去咗參加AV女優嘅event,一共見咗6個女優,有啲一講個名大家都會知道係邊個嘅一線女優#stop#dog亦都有一啲大家睇完會心諗「新東寶咁你都有興趣嘅」嘅女優#no#dog;日本嘅美食佳餚,我諗我就幫唔到大家,日本嘅AV美女,我都仲有啲貨可以賣下,嚟緊幾晚,歡迎你儲定子彈,因為相同番號我都有大把#scheme#cow

正式歡迎你入嚟收睇新東寶嘅日本AV女優event遊記O:-)以下超長文請你慢慢品嚐O:-)去文O:-)

以前寫過嘅遊記:
(超長篇連載遊記) 過去三年,去日本參加AV女優event既甜酸苦辣。
https://lih.kg/2177018
https://lih.kg/2209118

(俾錢正傻仔?) 秋葉原買AV攻略 (持續更新秋葉原各碟鋪情況)
https://lih.kg/1185749

講多少少背景先,首先小弟係零針人士#stop#dog根據日本嘅入境政策,如果冇打齊3針嘅外國旅客需要喺出發前72小時做一次日本政府指定要求嘅PCR測試,出嚟結果係陰性冇問題先俾你上機入境,亦即係話未出發就已經要駛多幾百蚊去做PCR#pcr#tiger

小弟10月12號上晝起飛,PCR係喺9號朝早做,隔咗大概24小時收到檢測結果係陰性嘅SMS,之後就喺MySOS上面填好哂資料,等咗大概兩個鐘頭就收到日本入境用嘅藍碼#glasses#tiger

關於入境呢一part嘅程序,例如要做邊一種PCR測試日本先至認可、MySOS個app點填、入境要帶啲咩資料等等,旅遊台嘅遊日po都已經有詳細講解,大家有興趣嘅可以去嗰邊睇番相關嘅資料,如果呢邊多人問嘅話,我可以喺遊記完咗之後出一個小小嘅教程講番我嘅做法#hello#tiger

因為一直都驚PCR過唔到嘅關係,所以我係直到出發前兩日先至去訂酒店,一個唔好彩如果結果係陽性嘅話,我就機票酒店錢全部都會蝕哂出去#dying#pig所以未收到陰性結果之前,除咗機票之外我都冇book到任何同今次旅行相關嘅項目。

好彩酒店價格冇機票價格升得咁誇張,喺網上面好順利咁喺上野搵到大概$2XX一晚嘅酒店連早餐,結果機票連埋酒店今次大概用咗$8000,都冇計#arrested#pig今次我有非去不可嘅event,一定要喺呢個時間飛過去,詳情大家睇落去就知。

10月12號,正式再次踏足兩年冇嚟過嘅香港國際機場,我從來冇見過香港機場咁少人。



順利做完check in之後就過海關同出境,全層餐廳只有一間有開門,意外地又幾好食。

thumbnail?u=https%3A%2F%2Fimg.eservice hk.net%2Fupload%2F2022%2F10%2F22%2F114419 c66cf27b2c3e66ad23a2ee83ac60400a
thumbnail?u=https%3A%2F%2Fimg.eservice hk.net%2Fupload%2F2022%2F10%2F22%2F114426 bd5ef4db52653535303baa6fb423a0af

冇人流冇餐廳冇鋪頭開嘅機場=冇咩好行,食完嘢之後我就出發去閘口前面,影一張我每次出發去日本嘅時候都會影嘅相。
今次,其實主要都係為咗呢個女人嘅event先至咁早就出發去日本。

佢叫葵司,葵つかさ,係其中一個改變咗我嘅AV女優。


搭飛機嘅過程就冇咩好講,除咗大家都要戴口罩之外,基本上同以前冇咩分別;不過真係有人笠哂成身先上機,冇除過口罩食嘢飲水,又冇起身去過廁所,4個幾鐘頭keep著咁嘅狀態都咪話唔辛苦,有時都真係幾佩服班防疫撚#sorry#cow

同埋啲cabin crew唔知係咪好多都係新請返嚟,機上廣播講到1999都算,Medicine讀咗做Magazine都得#sweat#tiger我一路聽一路聽到香港人問號。

4個鐘頭嘅機程順利完結,無驚無險咁搞掂入境手續,嚟到成田機場客運大樓,我忍唔著拉低口罩呼吸一口日本嘅新鮮空氣。

好耐冇見,我返嚟了。

由於miss咗一班火車嘅關係,今次我選擇咗喺機場坐巴士出東京,車程大概一個鐘頭,因為時間尚早,冇俾東京嘅放工時間影響到,基本上都冇塞車。

入到東京已經係6點,我心諗其實都唔駛咁早去酒店checkin,於是打算拖著個細喼去東京嘅Pokemon Center DX打個轉先。

日本冇口罩令,早排連首相岸田文雄都出嚟呼籲國民出街喺戶外其實唔駛戴口罩,但我自己眼見戴口罩嘅日本人仲係佔大多數,不過隨著入夜,街上面唔戴口罩嘅人會見到越嚟越多;所以喺戴口罩呢方面,大家呢段時間過到去都係「睇情況睇環境」#sick#pig有啲店鋪例如便利店咁,都有貼告示寫著請戴好口罩先至好入嚟,雖然喺街上面你唔戴冇人會過嚟指著你嚟鬧,但室內地方同搭車都係戴返口罩比較好啲#pray#mouse

嚟到Pokemon Center,冇遊客真係好行咗好多,我拖著個細喼都唔會驚撞到人,成間鋪夾埋都冇20個客,非常好行。
喺呢段遊客仲係唔多嘅時間嚟日本真係太好了。


雖然Yen平但都係忍著想抱著隻噴火龍返香港嘅衝動,我搭咗幾個站JR去到上野,喺酒店checkin之後,我徒步由上野行落去秋葉原。

一個個熟悉嘅遊客景點:上野街頭、阿美橫町、連接上野御徒町秋葉原嘅大街,都隨著遊客嘅消失,人流變得疏落,但同時,亦都變返一個屬於日本人嘅日本街頭。喺之後幾日嘅旅程,我一日平均只係聽到一次廣東話,英文同國語會遇得多啲,但都冇以前咁常見,有返一種「我真係嚟咗日本」嘅感覺。




thumbnail?u=https%3A%2F%2Fimg.eservice hk.net%2Fupload%2F2022%2F10%2F22%2F121924 f07bbb12c4c37e9a72df585bef310e03

行到落去秋葉原,街頭上面嘅女僕比起以前多咗,由以前一條街上面只有3-4個,今次過去一條街可以有超過10個,而且係戴著口罩都感覺到有唔少係高質嘅日本妹,日本真係一個好地方啊#wine#pig

嚟到秋葉原嘅時候已經差唔多9點,但我冇心機食嘢,點都要去行下AV鋪先,2年冇吸收過啲天地靈氣,食咩日本嘢都冇味。
一入到去,熟悉嘅感覺返番哂嚟,果然AV碟鋪先係我嘅主場,行步路都有加乘buff#medal#cow

行完AV鋪,食完一餐久違嘅日本燒肉,我見到秋葉原以前其中一個地標,喺電氣街出口附近一間專做格仔鋪嘅建築,由疫情前嘅風光,變成今日嘅空置,不禁覺得有啲婉惜。

呢兩年嘅所謂「疫情」,真係拖慢咗人類好多唔同方面嘅發展,同埋扼殺咗好多人嘅計劃同夢想。

旅程嘅第二日,今日嘅節目係去淺草拜個神求返支籤,落去中野Broadway睇下模型,同埋準備聽日喺event送俾女優嘅禮物。

一朝早就去咗上野站買3日嘅Tokyo Metro pass,1500羊 3日任搭,係我每次去東京都會必備嘅交通pass。
其實東京地鐵好多時都比起JR線更加方便,而且線路又多,覆蓋嘅地點又夠廣闊,本身plan咗會喺東京去N個地方嘅朋友不妨考慮下搭地鐵,好多時JR線並唔係唯一嘅選擇。

今次張pass我買咗一張印埋自己個名嘅Pasmo卡版本,同平時買到嗰種薄薄地好似地鐵飛咁嘅version唔同,呢款係一張硬身厚身卡,大概好似八達通咁嘅感覺,冇咁易整皺同唔見;同埋最緊要,係可以落埋自己個名,職員會俾張表你填,張卡就會印返你個名同年齡上去。

至於價錢就係1500羊 + 500羊嘅Pasmo卡按金,呢500羊會喺你用完退返張卡嘅時候俾返你,當然你唔退都冇咩所謂,用嚟留念都係一個唔錯嘅選擇。

出發去淺草,嚟到遊客景點就聽返多啲英文,但都冇以前嗰種人頭湧湧,想行埋去鋪頭睇下都行唔到,好似行緊維園年宵咁嘅感覺,非常舒服。

thumbnail?u=https%3A%2F%2Fimg.eservice hk.net%2Fupload%2F2022%2F10%2F22%2F125110 7e98940843df9ba7f8ffe168a686d021 

當日有啲陰天,間唔中落著毛毛雨,我喺淺草寺入面求咗一支「末吉」嘅籤,大意係「未到時機,仲需要準備,俾啲耐性。」,收到哂#hello#tiger我會繼續準備同裝備自己#hello#tiger

而籤尾有寫到一句「係去旅行嘅好時候」,去完呢程trip嘅我表示而家睇返支籤,真係好準。

搭地鐵嚟到中野Broadway,循例都係睇下啲模型同毒撚嘢,呢兩年喺成人台做咗唔少AV女優嘅訪問翻譯,日文水平比起以前好咗好多,起碼而家同店員傾一兩句,例如問下幾錢可以退稅,同埋喺餐廳落order都冇咩問題。今次嚟到日本可以活學活用,呢兩年嘅努力總算冇白費。

thumbnail?u=https%3A%2F%2Fimg.eservice hk.net%2Fupload%2F2022%2F10%2F22%2F125617 59758a71437f45b60bb0a19854e7f190


然後就去買禮物俾聽日會見面嘅女優,佢好鐘意玩「劍球」(けん玉),我上網搵到一間喺高円寺專賣搖搖同劍球嘅鋪頭,揀咗兩個,打算一個送俾佢一個留俾自己玩。

如果係你,你又會揀送邊隻色俾個女優呢#hehe#pig


行咗成日返到嚟秋葉原,入去AV碟鋪尋下寶,又真係俾我搵到啲好嘢#mock#pig

首先係青空ひかる(青空光)嘅寫真DVD,但入面係送相沢みなみ(相澤南)嘅即影即有相#mock#pig明顯係個店員入錯,咁都俾我發現到就算佢唔好彩#mock#pig
今次就等我帶佢返香港啦#cut#pig店員下次小心啲,得閒就入嚟連登成人台AV po學下嘢喇#mock#pig

然後搵到一隻乙白さやか(乙白沙也加)連即影即有相嘅DVD,買一隻留嚟做紀念#notcry#mouse價錢同其他碟比起嚟有啲貴,不過因為Yen平所以冇咩感覺。
我喺AV呢方面係好捨得駛錢#sad#cow其他飲飲食食我反而會就著就著#sad#cow

只能夠講每個人去旅行都有自己嘅方式同駛錢方向啦#:)#cow

然後夜晚同一個又係咁啱呢段時間嚟咗日本嘅連登巴打食咗餐唔錯嘅豆腐料理#:P#cat就結束咗第二日嘅行程。



(上面幾個豆沙包係喺淺草買嘅,係當地好出名嘅龜十豆沙包)

未完待續

You may also like

Leave a Comment

此網站只適合二十一歲或以上人士進入,內容可能令人反感及驚嚇;不可將此區的內容派發、傳閱、出售、出租、交給或借予年齡未滿 21 歲的人士或將本網站內容向該人士出示、播放或放映。 LEGAL DISCLAIMER WARNING: THIS SITE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT,SHOWN, PLAYED OR PROJECTED TO A PERSON UNDER THE AGE OF 21 YEARS. 本人已滿 21 歲 ,above age of 21,同意進入 *本網站經由第三者於美國境內以不抵觸美國加州法例條文發放及儲存*
I am 21 or Older I am Under 21