記得喺中學讀書時期有一次出去同人交收一部手提電話，當時仲係唔同牌子爭豔鬥麗嘅時代，每個牌子唔同型號喺操作上都有所分別，小弟當時係買家，喺check機嘅時候個賣家見我對手機盒入面本使用說明書好有興趣，冷漠咁拋低一句「我次次買親電話都唔睇使用說明書」。
嚟到今日，好多電器又或者產品都被「簡約」呢個主義所影響，最緊要係令到消費者喺使用嘅時候容易上手，好多同類型產品嘅基本功能已經變得大同小異，從而令到使用說明書嘅存在必要性越嚟越低，而跟埋喺包裝盒入面嘅說明書比起女士夜用M巾仲要薄，甚至已經發展成只係貼一個QR Code喺個盒度就算，連呢幾張紙嘅成本都慳返嘅程度。
其實日本AV女優有時都會將「使用」呢個字掛喺口邊，只係意思可能會有少少唔同，女優會話「希望大家多啲使用我嘅作品」、「如果大家知道我嘅過去嘅話，就未必會再想使用我嘅作品了。」，「使用」呢個字成為一個婉轉嘅表達，大家「用」女優去滿足自己嘅慾望，「用」女優嘅作品去提升自己嘅幻想空間，比起直接用「觀賞」呢個字更加傳神。
咁如果要幫AV女優整一份使用說明書，又應該包含啲咩內容，先可以俾使用者「易上手」、「知道有咩功能」、同埋有咩「注意事項」呢？片商Ideapocket由上年開始，每一個月都會訪問一個專屬女優，由女優本人為大家製造一份自己嘅「使用說明書」，由女優本人介紹自己嘅強項弱項，等大家「用」個女優嘅時候更加快上手，了解多啲「用」嘅時候要小心嘅地方。今次同大家揀咗幾個比較突出嘅Ideapocket專屬女優，整理一下佢地嘅使用說明書，睇下會唔會原來自己一直都搞錯咗某啲女優嘅「使用方法」？
第一個喺呢個企劃度登場嘅係最優秀女優賞得主相沢みなみ（相澤南），佢除咗提到好想喺疫情之後快啲見到FANS之外，仲有提到FANS好鐘意讚佢隻眼好靚，晶瑩剔透；仲有一定要留意佢嘅屁股，相沢喺做GYM嘅時候會特別著重練習屁股嘅肌肉，令到屁股嘅線條更加圓潤，上鏡嘅時候望落就更加秀色可餐。
當然仲有好多人都鐘意嘅女人鎖骨，好多人都覺得係女人其中一個最性感嘅位置，相沢就話自己嘅鎖骨外型非常靚，突出嚟嘅程度直頭可以裝水，揀衫嘅時候仲會專登留意可唔可以突出到呢個優點出嚟。
第二位登場嘅係西宮ゆめ(西宮夢)，一直都俾人一種「MK妹」感覺嘅佢，有一個充滿淫邪氣息嘅下唇，佢本人都覺得自己個嘴好可愛，能夠令男人產生一種「西宮個嘴仔咁細，我放唔放到入去呢？」嘅感覺，非常可愛。
望落似MK妹，但其實西宮本身係一個宅女！鐘意煲動漫、打手機game、飲酒，仲意外地發現原來西宮一飲完酒就會想要，大家「用」西宮嘅時候就要注意下佢今日有冇飲兩杯落肚喇。
然後我地搵嚟曾經做過女PR嘅加美杏奈，相當識得同人交際嘅佢，知道點樣可以善用自己嘅笑容同親切感，打開同陌生人嘅隔膜；同相沢一樣，加美有一個線條非常唔錯嘅大pat pat，要善用呢個特點就要著多啲緊身嘅衣著，一條緊身褲就可以將成個線條突顯出嚟，男士們就可以大飽眼福。
學生時期有練過柔軟體操嘅關係，加美身體嘅柔軟度非常高，喺拍攝一啲高難度體位嘅時候就可以輕鬆駕馭；佢仲想透過自己嘅笑容，帶俾大家滿滿嘅正能量，成為一個一直為大家打氣加油嘅元氣女優。
如果話明里つむぎ(明里紬)係AV女優樣貌界嘅金字塔頂端，相信冇人會反對；同cool cool地嘅外表一樣，明里係一個跟隨自己，我行我素嘅人；會鐘意埋頭苦幹搵自己適合嘅化妝品，而唔係單純盲目跟風，係一個相當有性格嘅女優。
喺維持美貌方面，明里就話最緊要係有充足嘅睡眠，一教訓醒就會將所有唔開心嘅喇全部忘記哂，諗唔到結論嘅嘢，就放棄唔再諗，煩惱少啲，自然人都健康啲，上鏡嘅時候都會精神煥發。
Ideapocket專屬女優之中，身材同樣貌都係一級水準嘅桜空もも(櫻空桃) ，好擅長自我分析，會清楚知道自己嘅方向同諗法，佢話當了解自己多咗之後，心情都變得輕鬆咗。
雖然擁有好多女性夢寐以求嘅曼妙身材，但櫻空其實曾經係一個好自悲嘅女仔，一直學習緊點樣接受呢個有時諗嘢會好消極嘅自己，坦率一啲去接受人地對佢嘅讚揚。
暫時最新一期搵嚟嘅係新人女優古川ほのか(古川穗花)，因為想幫自己達成成為偶像嘅夢想，所以加入呢個行業；望落係一個活躍系少女嘅古川，其實係一個好鐘意睇書嘅文學少女，睇得多書嘅關係，喺演出嘅時候好容易就會俾自己投入到角色入面，連現場工作人員都好佩服佢嘅即興演出。
鐘意睇書嘅古川，喺揀書睇嘅時候會偏向相信自己嘅感覺，多過聽從其他人嘅推介，佢比較鐘意自己發掘一本自己鐘意嘅書出嚟，呢種相逢恨晚嘅感覺，相當有性格。
Ideapocket嘅使用說明書企劃，小弟已經做咗超過一年嘅翻譯，喺做翻譯嘅過程入面了解多咗好多唔同女優喺入行前後嘅分別，有唔少女優都覺得呢一行改變咗一直內向嘅自己，亦都感激FANS對自己嘅支持；喺呢個企劃入面同時亦都了解到女優對於自身嘅一啲睇法，一啲好想改善嘅弱點，好想俾FANS再留意多啲嘅地方等等，都透過呢一個企劃成功話到俾觀眾知。
當了解多咗女優自身嘅背景同過去，有時喺睇作品嘅時候會有唔同嘅感受，呢一樣亦都係AV業界有趣嘅地方，呢一類訪問企劃可以令觀眾深入認識更多唔同嘅女優，係FANS能夠深入了解心儀女優嘅好方法！
