最近對於WILL集團旗下片商同FANZA可以話係好事連連：首先係橋本ありな（橋本有菜）嘅回巢，由FALENO移藉返嚟Moodyz，雖然因為事務所嘅紛爭問題要改名重新出發，但新ありな（新有菜）呢個新名正好象徵佢本人喺業界新一章嘅展開；而片商Moodyz喺高橋しょう子（高橋聖子）引退之後仲未搵到新一姐，新ありな嘅移藉正好可以填補呢個空缺，非常期待佢喺Moodyz即將推出嘅作品。
另外仲有另一位同樣由FALENO回巢嘅女優：天川そら（天川空），同橋本一樣當年都曾經係S1嘅專屬女優，移藉去FALENO之後聲勢同作品質素都有所下降，後來短短一年時間就離開咗FALENO，之後嘅一年都冇新作品推出。嚟到今年9月終於回歸戰線成為企劃單體女優，9月即將喺本中同Fitch推出新作，好多朋友都歡迎呢位女人味超濃嘅大姐姐返嚟照顧大家嘅肉棒，鐘意呢類輕熟韻味嘅朋友千析唔好錯過。
至於賣片平台FANZA，今年陸陸續續同SOD、Prestige呢兩間曾經解除合作關係嘅片商重新合作，兩間片商公司嘅新作開始陸陸續續喺FANZA上架，對於用慣FANZA嘅用戶實在係一個天大嘅喜訊，以後終於唔駛再左換右換去買片睇片，集中喺同一個平台方便處理，買起上嚟都寧舍爽手。
咁多女優、咁多新作，買片嘅朋友停留喺FANZA嘅時間自自然然越嚟越長，有見及此，今次就想同大家寫一篇FANZA導覽文，介紹一下FANZA入面同AV相關嘅各個欄目，等大家喺FANZA搵心頭好嘅時候會更加方便，新朋友都可以順便熟悉一下買片同瀏覽其他內容嘅操作。
（某程度上FANZA唔應該計入咸網類別？明明係購物網站嚟。）
喺FANZA開acc基本上同喺一個普通網購網站開acc嘅程序冇咩分別，之前亦都有寫過相關教學，今次就先跳過不提。
先同大定家講講關於俾錢方面嘅問題，鑑於FANZA由5月24號開始唔再接受海外VISA同MASTER CARD嘅關係，連Paypal都開始用唔到，所以而家會建議大家喺日本AMAZON買DMM嘅虛擬點數卡，匯率基本上同普通貨幣匯率一樣，俾完錢大概10分鐘內就會喺email度收到code，俾你喺FANZA入面兌換，方便快捷。
唯一需要留意係買點數卡最少都要買￥2,000，另外確認俾錢之前亦都請再三確認有冇打錯email，費事產生不必要嘅問題。
https://www.amazon.co.jp/-/en/1_DMM-com_standard/dp/B09GB6JK7Y/ref=sr_1_1?keywords=DMM&qid=1660923526&s=gift-cards&sr=1-1
（日本Amazon都有AV賣，但種類普遍冇咁齊全，我自己有時會喺Amazon上面買二手AV碟做收藏，有機會嘅都同大家分享一下教學。）
課完金就可以喺FANZA入面儘情shopping喇，首先喺左上角㩒開細格仔，會見到唔同嘅FANZA欄目，鐘意睇日本AV嘅朋友最常接觸嘅會係「動画」呢一欄。
「動画」入面所有片都會係以digital嘅形式嚟進行配信串流，只要你有download DMM嘅動畫app，喺FANZA買咗嘅片都可以喺入面睇到，VR就用返DMM嘅VR app。
而「動画」入面會再細分成ビデオ（video）、VR動画（VR動畫）、アニメ（ANIME卡通）、成人映画，一共5個大分類。大家最常接觸嘅主流AV都會放喺ビデオ裏面。
而左邊打直嘅欄目可以睇到唔同嘅重點分類，好似有人氣商品、sale優惠、依片商女優名搜尋、ranking排行榜等等。
（大部份作品喺FANZA都會有trailer睇（無料サンプル動画を見る），驚中咗封面殺手嘅其實可以喺trailer「檢查清楚」先決定入唔入手。）
之後我地去下一個大欄目「月額動画」，意思即係以月費形式「包月任睇」，類似大家成日用嘅Netflix同Disney+嘅收費方式。
喺呢個欄目入面，每一間片商都有自己嘅獨立channel，例如S1有S1 Channel，Moodyz有Moodyz channel，月費大部分都係￥2,000-4,000不等，有時會有50%嘅折扣優惠。
需要留意嘅係呢種「月費任睇」並唔係囊括哂所有片，而且基本上唔會有新作，以S1為例，裏面最新嘅作品係2021年嘅8月，即係一年前嘅作品。去到9月先會睇到21年9月嘅作品，如此類推，大概會有一年嘅時間差，呢一個做法係避免大家只係subscribe channel睇片而唔去買新片睇，以商家角度嚟講又無可厚非。
但同時亦都表示，channel裏面嘅片只會越嚟越多，由片商開創，到一年前嘅片全部都會完整收錄喺裏面，對於一啲鐘意追片商、睇舊片、又或者淨係追某幾位專屬女優作品嚟睇嘅朋友，呢一類包月型式都係相當唔錯嘅選擇。
唔同片商喺新片上架嘅時間差上面都會有唔同，例如S1係一年，但Moodyz係半年，相對上吸引好多，可以因應自己嘅喜好同需求嚟選購。
（好似S1 channel咁，已經有超過4,600套作品喺入面。）
嫌單一條channel太貴嘅，FANZA仲有一個「見放題ch ライト」（任睇放題channel light）俾你選擇，月費只需要 ￥550，一盒兩餸飯嘅價錢，就可以睇到頭先各個channel嘅「少部份」作品，會有啲咩片冇啲咩片，基本上都係無跡可尋，有時會有大作，有時又會淨係得啲二三線作品，標準相當飄忽。
雖然係咁，但￥550嘅月費已經包含咗超過2000套作品任睇，而且每個月都會更新120-150套作品上架，都算係幾划算，再加上可以先睇片單再決定要唔要俾錢，就算買嚟睇其中三四套片，我覺得都值回票價。
需要注意嘅係，同上面單一channel只會越嚟越多片睇嘅形式唔同，「見放題ch ライト」嘅片係會不斷替換，作品唔會長期停留喺入面，可能幾個月之後就會落咗架，亦係呢個平價版channel嘅缺點。
（而家仲有30日免費試用。）
嫌單一條channel唔夠喉嘅，FANZA仲有一個「見放題ch デラックス」（任睇放題channel deluxe）俾你揀，每個月￥8,980，大概港幣500蚊，就可以睇哂差唔多500幾間片商嘅所有上架作品，當中甚至包含埋上面冇開獨立channel嘅片商，例如有Ideapocket、Attackers、E-body等等呢類好多人追捧嘅老牌片商。
雖然同樣都係新作欠奉，但夾夾埋埋有超過30萬套作品，每個月有超過1,600套新作上架，相信睇到不舉嗰一日都未睇得哂全部作品嘅一半。
（收錄咗570間片商嘅作品，小弟不才，有唔少真係未聽過未睇過。）
（寫專欄嘅呢一刻仲做緊50%折扣，如果一個月30日24小時不停睇，可以睇到幾多套呢？）
想搵電子版寫真集嘅朋友，就可以去「FANZAブックス」(FANZA Book) 呢個欄目，喺左邊直欄差唔多最底就搵到「アダルト写真集」（成人寫真集），而且除咗寫真集之外，仲有其他成人雜誌，好似FANZA月刊、SOD月刊、甚至仲可以搵到專門介紹日本風俗情報嘅雜誌，選擇相當多。
而且電子寫真集經常都會有跳樓大特價，睇片睇到悶嘅，睇下寫真集調劑一下對身心都有莫大禆益。
最後就係介紹「通販」，基本上就係所有實體嘅產品，包括DVD、大人のおもちゃ（成人用品/玩具）、フィギュア．グッズ（Figure、Goods）、アニメ（Anime卡通）、PCゲーム（電腦遊戲）、ブック（書藉）、同人（漫畫同人本）、アダルトオークション（成人界別拍賣）等等。
DVD入面已經包含埋Blu-ray、4K之類嘅選擇，喺作品入面可以揀選自己想要嘅版本，介面同「動画」嗰邊其實大同小異。
實體碟比起Digital版有一個相當吸引嘅優勢，就係會有送劇照嘅版本可以選擇，儲起一本相簿得閒揭下，精彩程度可以媲美寫真集。
（有唔少劇照其實影得仲好過寫真集。）
喺「フィギュア．グッズ」（Figure、Goods）呢一欄，除咗有一啲成人向嘅動漫figure，一啲女優嘅精品產品都可以喺呢度搵到，喺「女優系商品」入面會睇到唔少女優嘅掛名產品，例如T-Shirt、女優摟枕、亞加力立牌、好多人都有儲嘅女優卡CJ SEXY，等等等等，都可以喺裏面搵到。
至於「アダルトオークション」（成人界別拍賣），首先需要VPN先至可以入到，其次係入面嘅拍賣都係女優嘅一啲貼身產品，例如喺作品/event著過嘅衫褲、底衫褲，對於寸金尺土嘅香港人未必咁適合，一陣俾老婆/女朋友搵到出嚟都唔知點解釋，所以間唔中入去八卦下邊個女優啲底衫褲又炒到過萬蚊咁就足夠了。
（最近FANZA放咗一批安齋らら啲底衫褲出嚟，市場又出現結構性同觀賞性嘅波動。）
以上就係FANZA網站嘅一啲同AV相關嘅項目介紹，另外仲有一啲FANZA嘅網頁Game、女優live chat，都係同AV女優相關嘅燒錢玩意，等遲啲小弟有機會發咗大達，入去見識完先再同大家詳談。
咁啱最近日圓大跌，又仲未有得去旅行，不妨喺FANZA睇下有冇可以大大振興日本經濟嘅機會！
