呢套紀錄片自己睇到都真係幾心寒
Our Father
就係講一個專門醫治不孕症嘅醫生，利用佢嘅身份同地位
未經女士嘅授權同許可，假扮捐精者，將自己嘅精注入女士體內，因而令事主受孕。
而受害人過百！
事隔廿幾三十年（應該？），果D BB張大，發覺自己同爸爸媽媽D頭髮眼睛唔同，去做D咩咩族譜測試，先開始揭發成件事
越黎越多弟兄姊妹
成件事都係好CLS
由於當地法例上，咁樣唔算扣成強姦，到最後果個醫生都係叫做以虛假文書之類嘅罪名入罪
而佢只係係咁易罰款就搞掂
成個調查相當費時，因為呢個醫生又係德高望重
又係D乜乜教會D長老（對唔住，唔係想針對耶撚，但又係耶撚）
成個區嘅人，包括D咩州長呀，檢察官呀都好比面佢
所以受害人做咩都比消極對待
呢個故事嘅受害人其實非常慘，受害單位係以家庭計
“BB”大個左仲可能會唔覺意愛上左另一位”BB”而唔覺意被亂倫
所做成嘅心理陰影非常之大
就算唔崇拜權威，我相信大部分情況之下，好少人會challenge 個醫生D精子係米真係來自健康嘅捐精者
但呢個story，又真係話比我地聽，係有需要
所以準備用呢類方法嘅生小朋友嘅朋友，真係跟足少少，始終係人生大事
Fetish同性罪行有時只差一線，如果呢個係一個有consent嘅cosplay，Couple係知情並同意咁玩係另一件事。
但事實係佢無Consent而明知自己有先天性疾病仲利用病人對醫生嘅信賴而去用自己嘅精子去不停令過百女士受孕
呢個的確係完完全全嘅性侵犯
而性侵犯唔代表一定要有penetration
去到呢到，其實我都好想有D法律系嘅朋友解答呢個問題
如果係香港，呢個行為有無漏洞，構唔構成一個完整嘅性侵犯或強姦？
