《三夫》
極度劇透
呢度係帶俾我最大嘅感覺除咗係人性嘅扭曲
仲有男女主角情感上性格上嘅轉變
故事嘅內容大概係女主角小妹，因為智商問題一直唔識表達自己，但係又有過大嘅性慾
幾年前比自己親生爸爸搞大咗個肚，仲生咗個小朋友出嚟😥
然後，再比自己爸爸安排嫁俾另一位朋友…..
當佢哋發現年紀大唔能夠再滿足到佢嘅性慾， 就決定推佢出嚟做雞
賺到錢之餘又可以滿足到小妹😨
而三夫指嘅第三個老公，其實係佢其中一位嫖客（下面稱四眼仔）返地盤住公屋。
為咗想娶小妹，又唔想佢繼續做雞，於是就娶咗佢，甚至接納佢本身有個出世冇耐嘅小朋友
帶佢返屋企同媽媽住，唔使喺海上面狹窄既船仔生活。
好可惜，小妹根本接受唔到呢種好侷促好密集既陸上生活， 比鄰居指指點點。
最後四眼仔帶咗佢返船上同另外兩個老公三個人生活（小妹爸爸/ 爸爸朋友）同時間亦都知道左原來個小朋友嘅爸爸係小妹嘅親生爸爸😱😱😱
雖然開頭好大反應，但係佢後來嘅轉變就係繼續容許小妹出嚟接客，幫佢搞網站，揸去唔同嘅岸幫佢搵客
轉變嘅位係佢知道自己已經冇辦法再滿足到小妹嘅性慾，甚至容許自己由細玩到大嘅朋友做嫖客
當小妹嘗試逃跑，佢用部魚網喺海上面捉番佢返嚟
最後嘅一幕，只係停留喺一個駛去港珠澳大橋底嘅黑白畫面
只有小妹披着嘅斗篷係紅色…
女主角小妹睇成套個半鐘嘅戲根本冇咩對白，甚至性愛場景仲多
除咗嘅角色上嘅設定因為係一個智障人士， 你會發現大部份時間佢根本唔想反抗。只要佢性慾上得到滿足其他問題根本唔係問題
當我哋以為佢冇乜思想，冇咩諗法，願意任人擺布嘅時候
而有個女人上門搵四眼仔， 佢崩潰。
當我哋以為佢根本唔識愛人， 唔識得表達，係男人都想上得嘅時候，其實佢唔係，佢都擔心自己會俾人取代。
無依無靠，反而海上嘅生活令佢更自在，更能夠做返自己。
一幕又一幕嘅性愛場面當然刺激，但當你知道咗故事嘅背景之後你又能能夠繼續保留同一樣嘅諗法呢 ？
如果你係小妹，唔善於表達自己，又比唯一嘅親人親生爸爸搞大咗個肚，再同一個7/80歲嘅人結咗婚，再俾老公用七萬蚊賣咗俾一個嫖客作為第三個老公，最後都係出嚟繼續做雞… 有啲嫖客甚至會嫌棄佢生過仔，睇唔起佢，唔尊重佢。
但係喺佢嘅內心世界可能會係開心嘅，因為覺得有人錫，又有唔同嘅男人可以滿足到自己。
但係將來佢個仔點呢？佢嘅未來會點呢？佢嘅人生會點呢？
男主角四眼仔係一個普通人，打一份普通嘅地盤工，同媽媽住係一間普通嘅公屋，想擁有同普通人一樣嘅愛情。
佢唔介意小妹嘅背景， 無條件咁對佢好，想盡辦法令到佢開心。由一開始佢好有信心咁可以滿足佢，到後來佢承認呢個事實根本唔可能。佢發現小妹根本唔能夠適應到陸地上嘅生活，主動帶佢返船上。而發現佢同爸爸亂倫，仲要建議佢出返嚟接客賺錢。
由佢一開始斬釘切鐵唔同意，直至到慢慢妥協仲要幫佢搵客嘅心路歷程我覺得好可悲。
過程中佢試過好多方法去滿足小妹，用玩具啦，用鱔啦，甚至綁住佢。冇一個係永久嘅方法，似乎好似推佢出嚟接客先可以係一個方法
見到呢一種愛係好Toxic ，佢愛小妹嘅同時，佢需要接納性慾係佢好大嘅部份。你滿足唔到佢，見到佢辛苦，是但一方就要妥協。
而佢就係妥協嗰個，要妥協個老婆俾由細玩到大嘅朋友幫襯，妥協佢接受/甚至某程度上享受呢一種生活。
最後佢似乎好似明白到點解當初佢老公會推佢出嚟接，甚至更加支持。
當Zoey上Google搵吓有冇其他嘅解讀，發現有極重嘅政治隱喻。小妹好比香港，佢嘅性慾好比香港人嘅慾望。可惜資歷尚淺㗎我未能夠解讀到唔同嘅方面，亦都冇睇到三部曲之前嘅兩套戲。陳果導演喺訪問當中提及佢好媲美香港嘅現況，睇唔到未來，好空洞，好似咩都冇咁 將來好似隻船咁會使去邊？冇人知
但係又見到呢個page寫得幾好 所以分享吓
睇完呢個解讀心情更加沉重，雖然陳果導演嘅戲一直都有政治嘅隱喻，但都唔建議大家帶着呢個諗法去睇呢套戲。用人最簡單嘅諗法去感受佢帶俾你嘅感覺。
總結嚟講 Zoey只能夠以故事情節去探討下男女主角嘅內心世界，探討下佢哋點解會咁做，佢哋嘅諗法。
以一個街客嘅角度去理解呢一套文藝電影，冇任何藝術背景。希望之後可以睇多啲同類型嘅電影啦，但係亦都推薦有時間可以一睇，雖則已經劇透左，但係好多場景都不能夠純粹以文字描述
補充 Netfliex有得睇！
完
