我每次睇戲都唔睇影評，就咁衝入去睇
貪夠RAW，無野係個腦到，唔會有前設
睇開asian，就咁啱pop up出黎啦
一睇都唔明37秒點解，但既然N記話有 nudity 喎Sex喎
睇啦！
一睇。。唔係好對路喎。。個劇情好似好沉重咁。。
而且個女主角好似”演”得好真喎
係呢到帶個頭盔先，呢套大家睇完有機會真係會覺得Sad，唔會有chill Feel，而且都幾值得反思
因為主角佳生明，唔係演，而係真係腦性麻痺
所以好多肢體動作唔係扮，而係真真實實。
故事講佢爸爸細細個就同媽媽分開左，媽媽就獨力照顧佢
一開場已經好赤裸裸地講呢位媽媽（雙魚座嘅神野三铃飾演）幫呀佳山明除衫沖涼。。。
唔知導演HIKARI點解咁堅持呢一幕。。。可能佢想呈現最真實嘅生活畫面比大家睇。。
但我就唔好意思Cap出黎比大家睇。。嗯。。就咁啦
繼續就係講呀女主角係位好出色嘅姐漫畫家，但一直比個friend威脅呀，情感勒索呀，只能做代筆。
無得出event現真身。
自己投稿又比編輯話抄佢個friend，真係原告變被告，陰功。
機緣巧合之下，佢就去左投稿畫H漫
H漫個主編就話佢無做個愛，D畫面唔夠真實，Ban左佢
於是女主就試下交友App識男仔。。。。
到最後緊係嫌棄佢嘅多。。唔Work
最後。。
佢就去歌舞妓町果D地方。。見識見識
30000yen兩個鐘
（去到呢到，又溫馨提示下D男仔女仔
開返關後呢，無熟人帶就唔好亂試喇，好易撞到D同胞保証金黨，真係要試嘅話，人地嘅流程都係上到房，先比錢/或者做完晒所有野先比錢，唔洗預先比的）
好慘，又比人嫌棄
真係睇到心up呀
好采之後遇到一班姐姐哥哥，帶佢去玩啦，飲酒呀咁啦
順便行下toyshop買支dildo玩
咁劇情就好順理成章地，媽媽就發現佢成日夜返，又無去佢個friend到畫畫，跟住一摷！
就摷到支 dildo，嚇到媽媽大叫
（真係唔係好明，點解D媽媽咁鍾意摷自己仔女D野，即係揞屋企人就唔應該有私隱-.-)
就係咁，兩母女緊炒大鑊啦
媽媽就覺得佢好偉大，全心全力湊佢，心力交瘁，你仲咁”曳”，去學壞！無我照顧，你就XXXXXX
囡囡就覺得媽媽過分保護，好多野佢都可以Handle到，唔尊重佢，唔明佢。
其實呢到都幾心酸
如果睇緊嘅你係人媽媽，你會好明神野三铃
你會好驚個女比人蝦同bully，但比呀囡兜野直線抽擊
如果睇緊嘅你係囡囡，你又會好代入到佳山明
呀媽，我唔係想像中咁冇用，你都無可能24小時睇住我，唔好用你對我嘅好定義為我嘅好啦唔該！
就係咁，媽媽就直頭再嚴厲D管佢
但女主就好醒目咁逃脫左，去見識呢個世界
扮下靚之餘，佢最想搵返佢爸爸
But so sad that，到搵到果陣
爸爸已經唔係到，但就得知佢仲有個孖生家姐係泰國
去到最後
女主有段自白講返37秒意思
就係佢出生嘅時候缺氧左37秒
哪怕只係差一秒，可能佢身體已經好唔同，同家姐個命運亦都好唔同。
但佢好慶幸，缺氧果個係佢。。而唔係佢家姐。。。
所以佢家姐可以健健康康咁成長😭😭😭
故事係happy ending嘅
只係中間嘅過程都真係幾sad
但同時間，好多野值得反思
呢部戲，我地都好推介大家睇下
