本身對呢套劇冇太大興趣
所以一開始見到啲人係d+ gp話睇左三 四次
同係gp到係咁叫人放售美美毛公仔嘅時候
我表示: ????
但睇完我終於明點解咁受歡迎
同時間 亦都好代入到劇情到
睇到眼濕濕
我覺得滿分5分嚟講 有4分
我都推介大家係冇嘢做嘅時候睇
(P個s 呢套係我第一套係d+睇嘅長片
好彩都冇浪費到個ac LOL)
Part1 家庭篇
首先呢套劇好chinese
一開始 已經講要為父母爭光 滿足佢地要求
而且父母都自以為自己做嘅野係對仔女好
但其實過分保護係咪真係對仔女好呢?
好似便利店個到 係咪真係要咁公開地攤牌
同埋係咪真係要跟得咁貼 一啲空間都唔比自己細路
返學又要跟到實一實
又要彈自己個女個idol
睇到呢啲位會令我諗起自己
我屋企又係啲好嚴嘅家庭
又唔比過夜 又唔比睇show咁
所以我完全明白女主角嘅感受
都已經2字頭 仲要管呢管路
都已經大啦 出街唔會死嘅
同埋冇人逼到我做啲我唔想做嘅野
所以放心 我好安全
Part 2 友誼篇
係電影入邊 美美有班好錫佢嘅朋友
會迷同一個偶像
其實每個年代有每個年代嘅偶像
之前有四大天王 依家有咩話XD
有一班肯陪你癲 接納你嘅朋友真係好
就好似美美班frd咁 見到佢變左小熊貓都唔會走
反而仲攬到實一實T_T
所以有有共同圈子嘅朋友真係好
Part 3 Idol篇
電影入邊嘅4 town係向二千年代嘅back street boy致敬
而戲中歌曲係由Billie Eilish同佢哥哥Phineas o’connell一同製作
如果有興趣嘅話可以去聽吓
Off topic
多謝Mary gor俾個位我自肥
呢排我都睇緊反起跑線聯盟 遲啲都會想睇月老
如果大家都有好睇嘅戲 歡迎介紹俾我睇
亦都可以一齊討論下
唔知會唔會仲有機會寫啲無聊野 有機會我會再寫架啦
辛苦晒睇到呢度嘅大家 Respect
(Cover圖源 form twitter
https://twitter.com/ayb_yaiti?s=21)
MINNIE
