Scared -Nxvim 與BDSM的調教行為 原post係到 其實Ellagor 已經撮要左大概個模式出黎 我地website版只係整理得好睇少少 “第一次寫讀後報告，我本來就文筆唔好先整memes😭 但係Mary Gor系都要推我出嚟寫。 前幾個星期起新聞無意中睇到話咩邪教教主食左太多女教徒要坐120年，我本來以為性交轉運呢啲邪教係電影情節 點知原來真係有啲咁嘅野。 好奇心驅使我喺網上買咗兩本電子書關於呢個邪教，睇完即刻明白點解咁多人中伏，中伏嘅重要有好多明星同富豪。 原來佢哋嘅玩法根本就同香港嗰啲仆街激勵課程同一套系統出嚟，表面上宣傳大家點樣可以自我增值，點樣可以建立character，點樣可以心靈成長，然後就會叫你不停搵新會員。 啲仆街之後會話如果要成長一定要識得信人，因為只有相信其他人先至可以放低自己嘅慾望同私心。 就係咁樣就形成咗一個主人同奴隸嘅制度出嚟，主人會要求奴隸提供裸照或者一啲抵押品。 當然講得好好聽，提供你啲裸照只係幫你增長，等你繼續目標唔好輕易放棄退出。 之後主人就會開始比唔同嘅任務你 例如紋身同唔准食多過幾多卡路里同埋，長遠接受啲戇鳩任務，潛意識你就會慢慢習慣咗做一個奴隸。 後面會比任務你升級做主人，搵多啲水魚返嚟建立自己嘅奴隸。 但係最戇鳩最戇鳩就係當你習慣接受任務之後，會叫你去引誘教主。 呢個又會講得好好聽 話如果你成功同教主有親密關係，會學到更多野，對personal growth 好重要。 總之就係利用自我增值同埋信任呢兩個point，成立一個層壓式嘅邪教。 最後嗰句，大家小心唔好墮入邪教 想安全同輕鬆咁玩最好都係加入HKSP😂。” ~~~~~~ 雖然邪教Nvxim 同我地模式完全 0 關係 但反而辣到Bdsm界 近幾年，越黎越多人聲稱自己好識玩BDSM，又搞晒club又話自己係dom又話主人收奴，大玩奴隸遊戲 說實在，如果只論調教手法，撇除專業操守 基本上調教同ellagor提到果D激勵課程/邪教都係同一樣野 都係有位高高在上的”master”，好”權威”地”顛覆”一個人的認知，”破壞”佢地嘅前設 再係”slave”果方心靈最脆弱嘅時候，植入”master”想要佢地嘅指令 周而復始，增加強度，將”slave”嘅底線不停降低，達致接近完全操控。 而且BDSM調教更能”名正言順”運用肉體上的強制高潮，令精神和肉體更容易上癮 所以追求著越有感覺的調教同時意味著追求越高危險性的刺激 亦意味著要求”master主人”有更高的操守，而不是on99″叫我做主人”就代表你係一個稱職的主人 因為一個正常人，肯同你玩主奴遊戲，代表佢信任你/妳，係”一定時間”內將自己嘅身心完完全全交與比”主人” 如果”主人”只係單純滿足自己的慾望而罔顧，違反事前的約定，不停威逼或事後利誘，衝擊奴方的底線 呢種行為，同ellagor提及果位邪教教主無異 都係一個賤種 權力越大，責任越大 做繩師又係，做主人都係，做主持人都係 一個負責任嘅主人，絕對要比奴更清楚佢地嘅喜好，身體同情緒嘅變化 越玩得deep就越應該要safeword同事前嘅consent 完左”主奴”時間，就應該回歸現實，大家go through返剛才嘅moment，呢個先係pro嘅行為 奴亦應該要抽離返，唔能夠因愛情感覺嘅投射而掩蓋自己可承受範圍。 只有在抽離嘅時候，先會有足夠的智慧去分辨呢個人 係愛錫妳嘅主人，定係只係利用妳嘅人渣