The Prom
呢期好多人睇呀有西😂
咁就唔講果套喇，介紹返呢套，一樣好大卡士
有梅姨姨，長腿Kidman（真心正呀呢個有幾幕😍😍），肥嘟嘟嘅James Corden 等等等等
片長都有成兩粒鐘，但唱卡歌，跳下舞，其實都真係撮一聲就睇晒
成套戲都真係好溫情，但又有好多幾得意嘅笑位
特別係梅姨姨同呀校長。。。果段情。。D對話。。好正🤣
主線故仔都簡單易明
以一個中學舞會為舞台，去帶出LGBTQ被歧視，被Bully果種無奈
女主仲要細細個因為呢個性取向就被屋企人趕出屋企，中段仲要比愛人。。。Hurt。。。
慘到爆呀真係TT
唔劇透咁多，好多位都好感人，真係會睇到眼濕濕
都強力推介嘅
而成套戲最touch到我嘅都係呢段
女主角被屋企人趕走果段，雖然只係輕輕用對話黎帶過，都好深感受到比屋企人，親人，背棄你果種悽涼
加上呢一年都同好多年青人接觸，有好多case都係係街到比狗咬，返到狗屋又咬到成身傷晒
And then 先打返去屋企，叫d老豆老母黎接返
而最Sad嘅係，D老豆老母仲加多腳，唔接仲要劈底佢地係狗屋到48小時
Well，真係唔好同我地講虎毒不吃兒呢d bull shit
係嘅話就唔會有d仆街老豆搞自己個女，okay？
所以，如果你睇到呢到，作為一個家長，或有機會做家長嘅
請珍惜你同子女嘅緣份
有d心靈上嘅創傷，唔係咁容易會修補返
完
