人生無常宵夜記
有時event完左，稍有時間都會一齊食個宵夜或姐飲一杯
由於社會運動+疫情關係 ，老司機都有一段時間無黎過我地嘅活動
最近復辦返，啱啱好安排到一個小人group比佢，之後再update
今日講下人生
話說呢位朋友出開海釣魚，去南海油田呀，去菲律賓呀，沖繩呀果d地方
去幾日先返，係隻船到訓覺果隻
咁傾開有幾次出去，佢真係差d離開人間
佢地有個術語，有個狀況叫” 打石湖”
簡單ｄ講，就突然間極大風，雷暴，狂風暴雨，風速快到避都避唔到
佢當時成隻船比雷劈中….
係大自然面前，人就係咁渺少
我地都諗返起係菲律賓oversea trip果陣，一望無際嘅大海
唔好話行雷，隻船突然無油，引擎壞左，隻船入水嘅話 ……..
嗯 大家可以做到嘅野都好有限
天災，大家都好難避到
人禍，係呢個政治漩渦當中，都好難避開。
Popo唔覺意睇你唔順眼，就鋤你
BB仔吸入催淚物體，除時身體過敏致死
人嘅頸骨都好脆弱，稍有不慎，鄺俊宇可能琴日都byebye左
人，真係好化學
回想返當初我地呢班人，點解會咁認真搞呢壇野
或多或少都係呢個原因
人生在世
每日都遇到好多不可抗力嘅人同事物
我地未必能夠大大力改變到呢ｄ野，但我地堅信每個人醉心係佢地領域上能做到嘅事，係會有佢存在嘅意義
性小眾，未必能解決社會問題
但負責任的性小眾卻能夠為社會照顧一些被忽略的小眾，更讓身心疲累的人，找回片刻原始的樂土
特別在這個充滿負能量的香港，更需要大量的多巴胺，來中和日常的荒謬
最後一句，釋放多巴胺的方式有很多種，唔一定要搵我地
我地只係其中一個平台，為大家穩定地提供一個自由、舒適嘅空間，暢所欲言，同喜歡嘅人，有感覺嘅人，做有感覺嘅事而已
嗯，自由兩個字，以前看似簡單 但今時今日，更顯珍貴
或許今日大家仲有得揀，可以揀點玩
但過多幾年，可能好似強國咁
想玩動物之森都無得玩，Steam 同 PS4都封9埋你
So,
Fight for freedom, Treasure every moment
