我Joey仔又要出動吊人，真係又好嬲又好笑，見到呢件豬西真係你倒貼8000比我同你食都要考慮下，今次我主要係想吊柒一班谷精上腦既懵撚，成件事又第一秒開始就已經知係騙案啦下話。
等我同大家逐點擊破騙案！
- 講到尾都係由一張假相開始，d相影得咁靚，多數都唔係真相，多數都係偷自一d無咁出名既網紅或者models，想知d相係咪佢真人不妨睇晒佢所有post出黎既相，有幾多睇幾多，如果無post出黎就叫佢send，如果係真人既，d相通常會比較日常，如果係假既，通常都會好似寫真咁，完全離晒地。懵撚們，有時真係唔怕問多兩句，什至質疑下佢，同佢講明(用講笑既tone): 「嗱，如果出到黎唔係你，我會走架。」
- 你班懵撚，那來既自信？一個樣貌標緻既少女點會咁易赴約？谷精上腦就射督精照下鏡先啦，送上門既野真係送都唔好要。
- 雖然你地係懵撚，但估唔到你地懵得咁撚徹底！出到黎一見面見到係豬西，人唔縮9都縮啦，點解仲可以一齊去食飯？餐飯你食得落咩？無他，一切都係源於港男出名有風度，我當你咁撚唔好彩，比條豬西昆撚左出黎，見到同相差咁遠，都應該黎一招金蟬脱糞啦下話，止蝕先係皇道，去到呢個境況，條豬西擺到明用假相昆9你，你講返個大話，話突然肚痛想賴屎都唔係好過份，大家當打個和。
- 呢個方法我最常教大家用，就係打返個飛機，等自己清醒下，呢招真係有神奇既功效，打前打後判若兩人，打後個腦好似新既一樣，思維模式同打前完全唔同，有如看破紅塵，什至連打前想約女flirt女既動力都無埋。幫你錢都慳埋！
講到最尾，身於亂世，想唔比人呃都唔係咁易，好多人大大小小，或多或少既伏應該都中過，比女呃都算，仲要比件豬西呃去食1000埋單既垃圾，真係吊你老味，你話比件靚既呃都仲話。你可能心諗，Joey你又好撚叻無比人呃過咩？我又真係無比女呃過wo。共勉之。
Source: appledaily
Wechat: hksp_joey
Telegram: hksp_joey
