Investor Z 

這套日劇麻，看陣容已經完全唔吸引 (眼鏡娘唔錯)
但近排又多左member問下mary gor個市點睇

有陣時，真係答唔晒咁多
不過，如果係投資初哥，又或者準備想用少少錢去投資嘅
個人建議真係睇下呢套劇

簡而精，撇除個男主角好唔靚仔，高中男仔d 校服勁leung之外
每集都好有教育意義

第1集就講下只要留意下新邊嘅事物，每樣野都可以同股票有關（即係基本分析，fundamental la)

第2集就講下投資者常犯錯誤

亂9咁買，高追低放，擒兩巴，有得賺又唔願走，跌落黎又唔想走，短線變長揸，坐艇坐到2046都未返家鄉

仲用一對拍左拖6年，30歲嘅男女朋友準備結婚嘅case
去道出呢個 prospect theory展望理論

第3集講日本經濟歷史，解釋返點解日本2戰後變成保守儲蓄大國，同介紹返一D百年老店

第4集直頭crossover 一間獨角獸企業，去帶出呢家日本Fresh grad果班求職心態，個個都想入大公司，穩穩定定
忽略左好多有潛力嘅中小企同初創公司

每集都係半個鐘唔洗，好易消化，所以女仔好男仔好，想係呢個金融市場搵返d飯錢嘅，可以睇下。

而其實由年頭有同Mary gor 佢傾開計嘅，都已經知佢開始講跌，自己都做緊淡倉
最主要都係做呀騰訊
好簡單，最大隻係佢，要個市Num 都係拋佢嘅姐

所以真係唔洗問佢咩位買入 XDDD，因為佢真係一路買佢跌
佢會答你一個連你都唔信嘅價 （短炒例外)

Anyway，唔信個市會繼續跌嘅朋友，唔緊要。
好多人市升市跌都賺到錢，最緊要知自己做緊咩
係長線，中線，短炒 ，定純聽消息？

但連自己想點都唔知嘅朋友，就真係揸… cash 啦…..港紙未甩勾同未消失前..都仲揸得過嘅….