尋日最爆既news就當然係劉嗚偉自爆十歲時收十萬cash做禮物，然後兜個圈讚自己無亂洗之餘，只係日日數下銀紙，最後開個户口儲起佢。
講到呢度，大眾市民已經媽媽聲，不過我就覺得佢無錯啦！大家試想下，如果將件事既設定，改為發生係一個普通住居屋既家庭，再將十萬呢個金融減兩個零，改變兩個簡單設定，係咪即時成件事順眼好多呢！
呢件事上劉小朋友無錯，錯就錯在而家既佢太老實，同太離地，90年既十萬真係可以比首期，即使係而家既十萬，都不是一個小金額，身為青年事務委員會主席既佢，真係要了解下民間疾苦，其實佢都好慘，慘在唔知自己有咩問題，一出世就咁有米，比你係大劉，你都唔會比一千幾百個仔啦！
真既，唔好怪佢，要怪就怪我地唔識投胎！又舉多個例，生於德國二戰時期既小朋友，一出世全世界就打緊仗，整個人生就係要製造武器同打仗，佢所知既就係保家衛國，而唔係一場侵略戰爭。生於一個乜既環境，好自然就覺得身邊既事係理所當然。
Wechat: hksecretparty/ hksecretpartyadmin
Telegram: hksp_joey
Official site: hksecretparty.com
