海洋對人類來講既熟悉又神秘，已知事物少之又少，大把題材可拍，小編向來喜歡呢類同大自然有關既西片，帶點刺激，又帶點知識，仲有靚女睇，可謂一舉三得。
今次極悍巨鯊劇情流暢，由Jason Statham全程帶住大家打鯊魚，緊張環節一步一步推進，多次帶大家徘徊鯊魚口邊，配以同李冰冰既感情線，感覺新鮮，唔同以往既西片，一打完大佬或經歷生死關頭就打車輪，而係止於朋友間既曖昧，值得一看係李冰冰已經45歲，真係完全睇唔出，比起另一個冰冰，李冰冰靚得黎自然好多。
以而家既cg技術，已經拍得好真，無論鯊魚定海洋景觀都好迫真，無一種好膠既感覺，令觀眾好入代入感，雖然劇情不免有點誇張，但未至於脱離現實，以暑期檔片來講算值得一睇。細膽既女士唔洗太驚，成套戲緊張得黎無血腥核突畫面，值得一讚。
Wechat: hksecretparty
Telegram: hksp_joey
