我都明白好多都未見過兩個大男人扑野，小弟都未見過，但條片好睇係好睇在一班花生友既反應而唔係兩位男主角。
根據我的推斷，兩位主角應該係特登啪比大家睇，窗簾打開，而且燈光通明，驚死你睇唔到，而班花生友就wewa鬼叫，邊舉機邊吶喊，個人認為觀眾反應愈大，愈代表你無知，香港人去到2018竟然同係1998既性觀念完全無進步過，真係悲哀，雖然話即使時代點變，某些價值觀都必需堅守，特別係一些宗教上既教義，呢點我都認同。
不過如果人地無宗教信仰，又無犯法的話，我希望大家可以給予一點尊重，我嘗試將佢地歸納為性小眾，兩位喜愛露出既同性戀性小眾，佢地只係做緊佢地中意做既事，就正如某d人鍾情奶西，鍾情奶腳趾，鍾情比人鞭打，有錯咩？好似HKSP咁，中意玩group又有錯咩？可能我地都係性小眾，但都值得大家給予一定既尊重，換個角度，如你係街見到幾個中學生打波，你會不會去拍片？
香港人，你有更多值得你去關心既事。
P.s: 其實段影片從來無露出過jj , 佢地可能只係做緊雙人yoga
