其實好多人有政治潔癖，做乜都話，講乜9政治
坦白講，我地都唔想講太多，而且講黎都無謂
但唔講，唔代表政治唔影響緊大家
正所謂’‘ghost dont know mother is woman’’
大家睇下法改會最新嘅質詢文件？雖然大部分都好正路，但第二條真係好奇怪
(ii) 建議新訂一項性露體罪，涵蓋以特定受害人為目標，而以涉及性的形式在私人或公眾地方暴露生殖器官的行為；
呢條真係好詭異，咩叫特定受害人？ 咩叫性的形式 ？ 在私人地方露又唔得 ？咁如果係D無乜人嘅地方，半夜3更，去拍下D藝術照自己收藏或同大家SHARE，咁又算唔算刑事？最高刑罰又係幾多？
當然呢家仲係質詢階段，但各位鍵盤戰士唔理嘅話，佢地就好大機會按現行模式咁通過，到時法例一出， 大家先黎吊媽拆蟹都無用，而警方點用呢條例大家都控制唔到
咁如果我作為原創者，我都唔會為網上一D like而比人留刑事案底啦，為乜呢
咁大家自自然然又少D local野睇，
至於WANIMAL香港系列
Well….咁講到呢到，大家真係要明白，你唔講政治，佢都係會殺到埋身，作為一個香港居民，真心建議大家用另一個身份去比返D意見佢地，去改善現行嘅法例就好似
(ix) 建議廢除一些同性或關乎同性的現有罪行：意圖作出肛交而襲擊、促致他人作出同性肛交、男子與男子非私下作出的嚴重猥褻作為，以及促致男子與男子作出嚴重猥褻作為。
作為LGBT，雖然黎得遲，但呢個絕對係一個福音。點解法改委肯修訂呢條，好明顯係係社會上LGBT嘅聲音越黎越大，而且好多民間組織，學者亦都好努力為呢個界別去遊行，去發聲。
所以唔好覺得自己嘅聲音係完全無用，就算做鍵盤戰士，都可以做得好有意義
完
