有酒，就一定要有game，所以呢日就出左去睇game同買其他佈置用品
點知神奇Van又出黎搞搞震，襯虛咁話幫手。
……..hmm……..
咁一向親民嘅我又好少拒絕人嘅🤷🤷
咁佢都好好嘅，幫我地托左個gas爐嘅物體返屋企．．．．
不過之後呢。。。唔。。行左一陣唔夠，佢就話去中國歷險樂園….
Well…..作為一個８０後嘅物體，我都唔能記得我上次去呢到係幾時…..
10年前？15年前？定20年前？定定25年前．．．
但係我記憶之中，去得最多嘅，應該唔係中國歷險樂園，而係歡樂天地。
有聽過嘅巴打絲打，give me five~~I 😍 you！
無聽過嘅，恭喜妳地，仲好年青 😂😂😂😂
呢間野好早已經執曬，都係一個時代的眼淚，不過舊嘅唔去，新嘅唔黎
但有一樣野，就咁能多年都無變
．．．．．．．．．．．．
．．．．．．．．．．．．
．．．．．．．．．．．．
就係掟彩紅果Ｄ呀姐，真係你LM。。係又話擲界，唔係又話擲界，
個銀都未停定就口話擲界，手攞地拖咁掃落個坑到……
個吊字，真係不由自主地由心口湧上個口到再噴出黎…………
就係咁….我地就on99跌左幾舊水去掟彩紅…..而換到嘅就係一ｄ好難食嘅小食
同一ｄ好唔等洗嘅野，仲有一ｄ細細個老豆老母拖住我去玩嘅片段
果一剎那間，有ｄ感觸，好似ｄ時間過得好快。。轉眼間就10幾20年。。。
所以我到最後嘅結論係
“最心痛是，插得太遲，有些感覺，不可等某個日子”
Remark：果日我肯肯定掟中左兩次，係兩次！藍色中心嘅中心！我即時望住呀姐個表情，見佢眼尾睄一下即刻擰咩面，推左走右咁推L左我個銀落個坑到….
頂….我認真強烈建議中國歷險樂園快ｄ裝返個鷹眼系統，比玩家去Challenge 睇返payback 囉！😨😨
