今日同大家講下《十級風劫》，因為套野打住《狂野時速》班底既旗號，令我有入場既衝動，加上本身對風災都好有興趣，所以就買左飛啦。
先由劇情講起，100分鐘裡面算係緊湊，無多餘情節，但劇情簡單，都係講下男女主角點樣係巨風中同壞人搏鬥，氣象學家加上政府既食Q，呢個組合係巨風中可以話係無敵，過程講下氣象學家男主角點樣利用颱風將壞人一個一個咁KO，可接受啦，我就嫌D壞人少左D。
睇下睇下，又真係有飛車，有幾個場口直頭同《狂野時速》一樣，我諗應該唔係抄，應該堅係向Paul Walker致敬。我就幾中意男主角架追風車，硬到不得了，係每一個男人既目標，係女人都會中意。
整體來講唔係d咩大作，過下癮都還可以，始終香港無可能經歷到呢d極端天氣，唯一敗筆係男女主角都唔太吸引，入場推薦度為2.5粒星。
Joey
