雖然我地一向都好CASUAL，但都會有嚴肅嘅時候，以下落黎嘅時間希望大家認真去反思一下乜野為之安全，乜野為之危險
我一直都有好大個問號，點解d人夠膽網上約人而唔夠膽加入一個有規模，有制度，有監察既會？喺HKSP無人會敢偷影你相，亦無人可以攞你contact，更加唔會有變態佬，我地既宗旨係要會員玩得開心同安心。
「好賤呀港女」真係好慘，因一句好賤呀而喺💯毛爆紅，正所謂槍打出頭鳥，呢位港女好快就被起底，仲比個仆街前度發放閃卡，搞到空姐都無得做。一句講哂，日久先可以見人心，day one點知佢咁仆街？
呢個世代要交友真係太易，用Tindxr掃兩下就可以約到人，方便既同時引申出安全問題，應該係性命攸關既問題先岩，令我即時聯想到最近台灣果單少女謀殺案、私影姦屍案，網上交友切忌要小心呢個係聽到厭既題目，但偏偏好多人都好大膽，諗住搏一搏，單車變摩托，結果係點真係無人會知。
其實真係好心寒，上面幾單雖然唔係全部都同網上有關，不過共通點都係遇上仆街，最後，願死者安息，亦希望各位靚仔靚女帶眼識人。
Joey
