最近其實好多好戲，有call me by your name, shape of water, red sparrow 等等，最後選擇左睇red sparrow, 原因好簡單，JL貴為影后嘛，睇演技都值回票價。
少量劇透，驚既就咁上一頁。套戲黎講主要係睇JL solo，JL飾演一個俄國女特工，初頭睇電影poster以為會有d好型好勁既演出，點知成套戲係文戲為主，睇JL玩內心戲，不過全程緊湊，有戲味，有張力，初頭你以為JL想投靠美帝？點知原來局中有局，睇到結局真係驚左女人，直頭9都縮埋。
值得一讚係JL今次真係好搏，性感演出之餘，我就特別欣賞佢用俄語口音講英文，好明顯下過苦功，但我諗大家最關注既應該係究竟JL有無露點？keke, 賣下關子，自己入場睇啦。
唯一敗等係美帝又再一次利用荷李活抬高自己，明踩他人，做到俄羅斯班高層同特工成班白癡咁，總結一句，值得入場，我比7.8分。
Joey
