慎入，全文走甜
我joey甚少出post，但今次真係忍唔住講兩句，請咁多位只想睇甜野嘅師兄，容許我借我地個platform呻下
作為貧苦嘅基層，今次份財政預算案真係好正，正在咩呢？緊係波叔請大家考DSE啦，喂大佬，免費體驗，唔係唔試嘛？我就報硬既，小弟要一雪AL前恥，考下oral練下oral skill😍。
其實要香港人收貨好難咩？每人六千搞惦啦，係短視左少少，但我敢肯定可以即時平息民怨，你估波叔唔知咩？知！不過就係唔比你，你咬我呀？派錢故然解決唔到貧窮問題，六千亦唔係多，但對好多人窮人黎講真係可以解決燃眉之急，都唔同佢計政治能力，只求在揸旗既人有d同情心，哇我每次見到d紙皮婆婆我就好心up, 勞動左大半世人，老左想飲餐茶都有難度。
派海馬公園飛仲搞笑，派比學生，姐係局個老豆老母又要入場，送一張然後局你買n張，幫海馬公園幫到出晒面，喂全港130萬貧窮人口呀，加大公共開支啦好心，唯一比較可取既退税同改革税基，但都係益中產多wo好似…..全民退休保障呢d有持續性既，又話係長遠負擔，想點先。
所以呢，波叔真係唔合格，如果比我做呢，我就會用十億教公務員用tumblr，政府有前科架，幾年前用左幾百萬教公務員用facebook，我相信實有呢一日架
Joey
credit to facebook page
💯億負能量戰士
注：該圖並未經其作者受權轉載，只係我地單方面欣賞這種黑色幽默，如作者對我地嘅”身同感受”的轉載深感困擾，可透過任何途徑通知我地。
